Receta

Të gatuajmë me zonjën Vjollca: Patate të mbushura me proshutë e krem djathi dhe Patate me qumësht e djathë

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:00.

Redaksia 24 Shtator 2019, 11:04 | Përditesimi: 24 Shtator 2019, 12:58

Receta e parë: Patate të mbushura me proshutë dhe krem djathi.

Përbërësit:

LEXO EDHE:
Mish me xhinxhër dhe salcë soje nga Doreada Mio

- 6 patate të mëdha (sa grushti)

- Vaj + kripë

- 150 gr proshutë coto

- 200 gr krem djathi

- 40 gr qepë të njomë (bishtat)

- 400 gr salcë bechamel

- 150 gr mozzarella

Përgatitja:

Patatet i lajmë mirë dhe më pas i lyejmë me pak vaj ( me gjithë lëkurë), i spërkatim me kripë dhe i vendosim në një tavë. Tavën me patate e fusim në furrë në temperaturën 170°C, për 45 minuta.

Pasi të kalojnë 45 minuta, largojmë patatet nga furra dhe bëjmë një prerje për së gjati në një të tretën (⅓) e patates.

Pasi t’i kemi hequr patatet nga furra, pastrojmë tulin e patates dhe e vendosim atë në një tas, më pas pataten e shtypim me një pirun. Këtë pure që formuam e shtojmë në një tepsi.

Në të njëjtën mënyrë veprojmë edhe me 6 patatet e mbetura. ⅔

Pastrojmë tulin e patates duke lënë muret anësore (0.5 cm) dhe tulin e patates që pastruam e vendosim në një tas.

Shtojmë në tas proshutën në shirita të shkurtër, kremin e djathit dhe bishtat e qepëve të njoma. I përziejmë mirë dhe me një lugë mbushim patatet dhe i vendosim me mbushje nga proshuta, nga poshtë, në tepsinë ku kemi shtruar bazën me patate, pra me kokë poshtë.

Ndërkohë përgatitim bechamelin. Për të përgatitur bechamelin na duhen 2 lugë gjelle gjalp, 2 lugë gjelle miell, 400 ml qumësht, kripë, piper dhe armoskat. Mbulojmë patatet me bechamel dhe mbi të vendosim nga pak djathë mozzarella. Vendosim tavën në furrë në temperaturë 190°C për 25 minuta.

E servirim një patate në bazë pureje me sallatë mix.

Receta e dytë: Patate me qumësht dhe djathë.

Një recetë e thjeshtë në tigan.

Përbërësit:

- 600 gr patate

- 1 e ½ e lugës gjalp

- ½ gotë qumësht

- 100 gr djathë kaçkavall i butë

- 2 lugë parmixhan i grirë

Përgatitja:

Fillimisht ziejmë patatet dhe i presim ato në feta. Lyejmë një tigan me gjalp ambienti dhe sipërfaqen e tiganit e mbulojmë me feta patateje. Mbi patate shpërndajmë përsëri disa cifla të vogla gjalpi. Me ndihmën e një luge spërkatim patatet me 3-4 lugë qumësht.

Shpërndajmë disa feta të holla me djathë të butë kaçkavall, si për shembull djathë prevolo ose emental dhe e pudrosim lehtë me parmixhan.

Shtresën me djathra e mbulojmë sërish me patate dhe përsëri e spërkatim me copëza gjalpi, qumësht, djath të butë dhe parmixhan.

Tiganin e mbulojmë me një kapak dhe e vendosim të ziejë në temperaturë mesatare për 10 minuta. Më pas, tiganin e vendosim në furrë, në grill, për 5 minuta në temperaturën 190°C, derisa siperfaqja të marrë një ngjyrë të artë dhe parmixhani të bëhet krokant.

Kjo recetë mund të serviret me sallatë.