Receta

Të gatuajmë me zonjën Vjollca: Pite e shpejtë me presh dhe Supë tortilla

Në këtë hapësirë të faqes sonë do të gjeni menyrën e përgatitjes së recetave të gatimit të përgatitura nga Zonja Vjollca .Këto receta Zonja Vjollca i gatuan çdo ditë në emisionin "Rreze Dielli" nga ora 08:45 -10:00

Redaksia 16 Tetor 2019, 10:44 | Përditesimi: 16 Tetor 2019, 11:34

Pite e shpejtë me presh

Përbërësit:

LEXO EDHE:
Tavë me lakër arme dhe kimë nga zonja Albana

1 kg presh

1 tufë qepë të njoma

1 tufë majdanoz

200 gr djath i bardhë

3 kokrra vezë

Kripë dhe piper i zi

1/2 gotë qumësht

250 gr miell misri

250 gr miell gruri

Pluhur pjekës

1 gotë kos

1 gotë ujë i gazuar

2 filxhan kafeje vaj ulliri

Përgatitja: Pastrojmë preshin dhe qepët dhe i presim për së gjati dhe më pas i presim hollë. Vendosim tiganin me tre lugë gjelle vaj ulliri dhe i kavardisim derisa preshët të zbuten. Ndërkohë që po gatuhen preshët bashkojmë në një tas miellin e grurit me miellin e misrit dhe pluhurin pjekës dhe i përziejmë mirë me kripë. Në mes të miellit në tas bëjmë një gropë dhe shtojmë në të 2 vezë të plota, plus kosin, ujin e gazuar dhe vazhdojmë të përziejmë mirë derisa të formohet një brumë që bie butë nga luga, pak më I trashë se brumi I krepave.

Largojmë preshët nga zjarri dhe i vendosim në një tas dhe shtojmë gjysmë gote qumësht, vezët dhe i përziejmë mirë, shtojmë djathin, e thërmuar, kripë, piper të zi dhe majdanoz të grirë hollë.

Lyejmë tepsinë me yndyrë dhe shpërndajmë brumin duke e niveluar si shtresë të hollë në tepsi. Lugë lugë shpërndajmë preshin dhe e nivelojmë mirë atë.

Si të kemi niveluar mirë preshët, e spërkatim shumë hollë me brumin e mbetur dhe në fund e nivelojmë të gjithë sipërfaqen me duar dhe e fusim në furrë për 50 minuta, në temperaturë 200 gradë.

Supë tortilla

Përbërësit:

1 qepë

5 thelpinj hudhra

1 spec jeshil (pikant)

2 speca të kuq ( të pjekur)

1/2 tufë majdanozi

4 domate ose 1 kuti domate

3 peta tortilla

300 gr fileto pule

Kripë, piper i zi, rigon

1 litër lëng pule

150 gr misra

1 limon

1 avokado

Vaj ulliri

Përgatitja:

Në një blender vendosim qepën, hudhrat, specin pikant, 2 speca të kuq, majdanozin dhe domatet. I kalojmë në blender dhe I kthejmë në pure

Në një tigan të thellë me 3 lugë gjelle vaj ulliri, kavardisim ourenë e mësipërme duke e trazuar derisa të mos ketë më ujë por të thahet pak në yndyrë.

Shtojmë lëngun e pulës te salca dhe e lëmë të ziejë 10 minuta. Shtojmë misrat plus, një spec të prerë në kubikë të vegjël dhe lëngun e limonit.

Marinojmë fileton e pulës me kripë, piper dhe rigon dhe i skuqim derisa të marrë një ngjyrë të verdhë. Më pas i presim në copa të vogla dhe shtojmë copat e pulës në tenxhere për të valuar pak. Presim tortillat në shirita dhe i skuqim në tigan sat ë zverdhen. Shërbejmë supën duke vendosur mbi të 1 dorë me tortilla të skuqura plus fetë avocadodhe pak qepë në kubikë, djathë të thërmuar dhe majdanoz.