Receta

Të gatuajmë me zonjën Vjollca/ Pulë me arra dhe Karamele xhelatinë me fruta

Në këtë hapësirë të faqes sonë do të gjeni mënyrën e përgatitjes së recetave të gatimit të përgatitura nga Zonja Vjollca .Këto receta Zonja Vjollca i gatuan çdo ditë në emisionin "Rreze Dielli" nga ora 08:45 -10:00.

Redaksia 10 Dhjetor 2019, 14:50 | Përditesimi: 10 Dhjetor 2019, 15:01

Pulë me arra

Përbërësit:

LEXO EDHE:
Mish me xhinxhër dhe salcë soje nga Doreada Mio

1 pulë mesatare

3 lugë gjelle gjalp

2 lugë gjelle vaj ulliri

30 gr miell gruri

30 gr miell misri

1.2 litër lëng pule

200 gr arra

6 thelpinj hudhra

2 lugë gjelle uthull

Pak gjalp për spërkatje

1 lugë kafe piper i kuq

Përgatitja:

Pastrojmë pulën dhe e ndajmë në racione. Në një tenxhere me ujë të valuar me kripë ziejmë copat e pulës për 20 minuta. Më pas largojmë copat e pulës, i vendosim në një tavë me ½ garuzhde lëng dhe i vendosim në furrë në temperaturë 180 gradë Celsius.

Në një tenxhere shkrijmë gjalpin dhe vajin, kavardisim miellin derisa të marrë ngjyrë lajthi. E shuajmë me lëngun e pulës duke e trazuar vazhdimisht që të mos bëhet salca me kokrriza. E lëmë salcën në kosistencën që preferoni.

Shtypim hudhrat dhe i trazojmë në uthullën dhe e shtojmë tek lëngu. Hdhim edhe kripë e piper të zi. Shtypim arrat mirë me qëllim që të nxjerrin yndyrën e tyre dhe pasi ta largojmë salcën nga zjarro shtojmë arrat dhe nuk e vendosim më tenxheren për të valuar. Salcën mund ta lëmë në tenxhere dhe kur e servirim e vendosim në pjatë salcën e më pas mishin e pulës ose vendosim salcën në një tav, shkrijmë gjalpin dhe një lugë kafe piper të kuq, e spërkatim sipër salcën me të dhe mbi to vendosim pastaj copat e pulës. Ju bëftë mirë!

Karamele xhelatinë me fruta

Përbërësit:

18 gr xhelatinë

150 gr lëng frutash (portokalli)

150 gr sheqer

1 1/2 lugë gjelle lëng limoni

Sheqer për pudrosje

Përgatitja:

Fillimisht vendosim xhelatinën për ta zbutur në ujë.

Shtrydhim portokallet dhe e vendosim në një tigan salce, shtojmë në të sheqerin dhe lëngun e limonit. Në momentin që lëngu i portokallit zien, shtojmë xhelatinën e zbutur. E përziejmë mirë derisa ajo të shkrijë plotësisht.

Vendosim stampë silikoni në një pjatë dhe mbushim format. Më pas vendosim karamelet për tu ngurtësuar në frigorifer për 2-3 orë.

Pas kësaj kohe i nxjerrim karamelet nga forma dhe i rrotullojmë në sheqer të imët, i vendosim në një pjatë ose kupë. Ju bëftë mirë.