POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca: Pulë me kërpudha dhe salcë kosi e pjekur në furrë dhe Tiramisu pjeshke

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:00.

Receta e parë: Pulë me kërpudha dhe salcë kosi e pjekur në furrë

Përbërësit:

500 gr fileto pule

2 qepë mesatare

500 gr kërpudhra

2 speca të kuq

2 thelpi hudhër

1 lç miell

vaj + krip + piper të zi

250 gr krem kosi

2 vezë

20 gr kaçkavall i grirë

 Përgatitja:

Fillimisht pjekim 2 speca të kuq. I qërojmë lëkurën. Lajmë filetot e pulës dhe pasi i thajmë ato i presim në kubikë (sa një kafshatë). Në një tigan të thellë ngrohim 2 lugë gjelle vaj dhe kaurdisim mishin. Shtojmë pak kripë dhe e skuqim atë deri sat ë zverdhet pak.  Më pas e largojmë nga tigani. Po aty shtojmë përsëri dhe 2 lugë gjelle vaj dhe kaurdisim qepën deri sa ajo të zbutet dhe të bëhet transparente. Shtojmë kërpudhat të prera dhe ato në kubikë. I kaurdisim së bashku deri sa kërpudhat të ulin volumin. Presim specat në shirita, hudhrat I grijmë hollë dhe i shtojmë ato në tiganin me kërpudha. I pudrosim me 1 lugë çaji vegeta (erza të thata), I përziejmë mirë duke shtuar 1 lugë gjelle miell dhe duke shtuar mishin e pulës.

Në një tas rrahim 2 vezë të plota dhe kremin e kosit. I përziejmë së bashku dhe e shpërndajmë sipër mbi mish dhe kërpudha. E lëmë sa të fluskojë, e pudrosim sipër me pak kaçkavall dhe e vendosim në furrë në temperaturën 180ºC për 20 minuta.

Kjo recetë kushtoi 820 lekë. Pas hsumë telefonatave në studion e “Rreze Dielli”, ndjeksëit nuk dhanë shifrën e saktë se sa kushton receta. Megjithatë pjesë e quizit tonë mund të bëheni çdo ditë duke telefonuar në numrin 044 400 101, e kështu do të keni mundësinë të bëheni fitues i 2000 lekëve të reja.

Pulë me kërpudha dhe salcë kosi e pjekur në furrë

Receta e dytë: Tiramisu pjeshke

Përbërësit:

300 gr biskota savojard

500 gr maskarpone

200 ml pana te ëmbël

500 gr komposto

80 gr sheqer pluhur

100 gr biskota amaret

Lëngu i kompostos

50 ml shurup amareti

Përgatitja:

Në një tas përziejmë pana, sheqer, mascarpone dhe I rrahim së bashku. Kullojmë komposton dhe lëngun e ndajmë veç nga pjeshkat. Tek lëngu shtojmë dhe shurup amareti. Pjeshkët I presim në kubikë duke ruajtur 4 gjysma për dekor. Në një tepsi vendosim biskotat duke i lagur ato më parë me lëng pjeshke. Shtrojmë mbi to një shtresë me maskarpone dhe më pas shpërndajmë pjeshkët në kubikë. Thërrmojmë biskotat dhe i pudrosim pjeshkët. Përsëri shtresë me savojard të lagur me lëng kompostoje. E mbulojmë me maskarpone duke e zbukuruar me feta pjeshke dhe gjethe nenexhiku.

Tiramisu pjeshke 

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Humbi jetën pasi ra nga 10 metër lartësi në vendin e punës, zbulohen detaje të reja lidhur me 41- vjeçarin shqiptar në Itali

Humbi jetën pasi ra nga 10 metër lartësi në vendin e punës, zbulohen detaje të reja lidhur me 41- vjeçarin shqiptar në Itali

24 Nëntor, 09:15