Receta

Të gatuajmë me zonjën Vjollca/ Pulë me lëng dhe Byrek me spinaq në tigan. Sot kuici "Sa kushton receta" u fitua nga Enola

Në këtë hapësirë të faqes sonë do të gjeni mënyrën e përgatitjes së recetave të gatimit të përgatitura nga Zonja Vjollca .Këto receta Zonja Vjollca i gatuan çdo ditë në emisionin "Rreze Dielli" nga ora 08:45 -10:00. Ashtu si cdo të premte edhe sot u argëtuam me kuicin "Sa kushton receta" që u fitua nga Enola nga Tirana.

Redaksia 6 Mars 2020, 10:39 | Përditesimi: 10 Mars 2020, 09:28

Pulë me lëng

Përbërësit:

LEXO EDHE:
Tavë me lakër arme dhe kimë nga zonja Albana

1 rosë ose pulë

1 qepë e madhe

1 lugë çaji piper i kuq

2 lugë gjelle pure domate

2 lugë gjelle lëng limoni

2 lugë gjelle oriz

3 vezë

3 lugë gjelle miell

Kripë dhe piper i zi

Vaj ulliri, 1 lugë gjelle gjalp

Përgatitja:

Ndajmë pulën në racione. E kaurdisim në tenxhere me pak gjalp dhe e mbulojmë me ujë me kripë dhe e lëmë të ziejë për 20 minuta.

Në tigan kaurdisim qepën me pak vaj, derisa të marrë ngjyrë të artë, shtojmë piperin, purenë e domates dhe e shuajmë me pak lëng pule, duke I dhënë dhe një valë për 5 minuta.

Më pas shtojmë qepën në tenxhere te lëngu I pulës, orizin e shpëlarë dhe e lëmë të ziejë për 10 minuta bashkë me pulën. Në një tas rrahim vezët, lëngun e limonit, miellin, duke I trazuar derisa të formohet një salcë, e shuajmë me një gotë uji të ftohtë dhe e përziejmë mirë.

Largojmë copat e pulës edhe I vendosim në një tepsi, bashkojmë lëngun e pulës me vezët dhe miellin, duke e lënë fillimisht lëngun e pulës ti ulet temperatura që mos të na priten vezët.

Shtojmës komplet masën në tenxhere në tepsinë me copat e pulës.

Mund të vendosni disa copëza gjalpi. E vendosim masën në furrë, në temperaturë 180 gradë për 20 minuta.

Byrek me spinaq në tigan

Përbërësit:

500 gr miell

280 ml ujë

Kripë

Për mbushjen:

500 gr spinaq

1 vezë

2 lugë gjelle vaj

Kripë, arrëmoskat

Majdanoz

250 gr djathë i bardhë

Përgatitja:

Zëmë brumin si për byrek dhe e ndajmë në kulaçë të vegjël sa një arrë.

I hapim kulaçët në diamet 10-15 cm. I lyejmë me pak vaj dhe I bashkojmë 2 e nga 2.

Spinaqin të grirë dhe të pastruar e kullojmë mirë, shtojmë erëzat, kripë e arrëmoskat, vaj, djathin e thërrmuar dhe I trazojmë.

Hapim petën e bashkuar në dysh në një diametër 20 cm dhe përhapim spinaqin në gjithë sipërfaqen, duke bërë një prerje nga qendra në anë fillojmë e palosim petën në formë trekëndëshe.

Lyejmë tiganin me vaj dhe pjekim byrekun duke i vendosur kapakun. E kthejmë dhe e pjekim edhe nga ana tjetër duke I vendosur sërish kapakun.

Byrekut mund t’I jepni formën që dëshironi.