POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca: Role me qofte, patëllxhanë e petë dhe Sangria

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:00.

Receta e parë:  Role me qofte patëllxhanë dhe petë

Përbërësit:

4-5 patëllxhanë 800 gr

vaj

kripë

4 petë

500 gr mish i grirë

1 qepë të vogël

2 thelpi hudher

1 spec i kuq

3 lgj galetë

3 lgj vaj

3 lgj ujë

majdanoz

Përgatitja:

Lajmë, pastrojmë patëllxhanët dhe i presim ato në feta të holla për së gjati. Në një tepsi shtrojmë letër pjekje dhe vendosim fetat e patëllxhanit njëra pas tjetrës. I lyejmë me furçë me pak vaj dhe i spërkatim me pak kripë. I vendosim në furrën e parangrohur në temperaturën 200ºC për 10 minuta. Vendosim mishin e grirë ne nje tas. Shtojmë në të 1 qepë të vogël të grirë në rende, specin e grirë imët, specin e kuq të grirë po imët, hudhrën, galetën, ujë, vaj, kripë, piper të zi, majdanoz të grirë hollë. Përziejmë brumin mirë dhe pasi të mbulojmë me celefon e vendosim në frigorifer për 20 minuta.

Lyëjmë një petë me pak vaj dhe vendosim mbi të një petë tjetër. Fillimisht vendosim petat e patëllxhanit vertikalisht duke i vendosur në rresht njëra pas tjetrës në pjesën e parë të petës.

Marrim gjysmën e brumit dhe e hapim në formë roloni mbi patëllxhan. Në fillim mbështjellim pjesët anësore të petës dhe e rrotullojmë atë duke formuar një rolon. Lyejmë pjesën e fundit të petës me pak ujë që të mos ngjitet peta dhe më pas e presim në gjerësi 5-6 cm. vendosim roletë vertikalisht me prerjet poshtë dhe lart në tepsi. Pasi të përfundojmë me mishin, petët i lyejmë me pak vaj dhe e vendosim tepsinë në furrë në temperaturën 190ºC për 30-40 minuta. E shërbejmë me kos, ose me pak salcë domate.

Kjo recetë e Zonjës Vjollca kushton 510 lekë. So nuk patëm një fitues, pavarësisht telefonatave të shumta, megjithatë me disa llogaritje të vogla, ju mund të bëheni fitues të 2000 lekëve të reja vetëm duke telefonuar në numrin 044 400 101.

Role me qofte, patëllxhanë e epetë

Receta e dytë: Sangria

Përbërësit:

350 gr limona

600 gr portokaj

400 gr pjeshka

230 gr molle

750 ml verë të kuqe

120 gr sheqer

vanilje 6 karafila

2 shkopinj kanellë

50 ml pije ( konjak)

500 ml ujë te gazuar

350 gr akull

Përbërësit:

Fillimisht lajmë frutat. Shtrydhim 1 kokërr limoni dhe 2 kokrra portokaj. Pjesën tjetër e presim në kubikë shumë të vegjël me brinjë 0.5 cm. Kështu vazhdojmë prerjet dhe me pjeshkët e me mollën. Të gjitha frutat e prera i vendosim në një tas.  Vendosim edhe verën në një tas. Në një xhezve vendosim sheqerin, karafilin, kanellën, pak ujë dhe i ziejmë për 5 minuta. Largojmë kanellën dhe karafilin dhe përziejmë shërbetin. Shtojmë likerin konjak ose brendi dhe e përziejmë me verën, lëngun e limonit dhe të portokallit. Shtojmë frutat dhe fetat e portokallit dhe të limonit. E mbulojmë me celefon dhe e vendosim në frigorifer për 4 orë. Pasi sangria është ftohur heqim celefonin dhe para se ta shërbejmë shtojmë 500 ml ujë të gazuar. E trazojmë, shtojmë akullin dhe e shërbejmë nëpër gota.

Sangria 

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qenë për ju viti 2024?

Lajme të tjera



×

Lajmi i fundit

Spahiu: Thirrja e Erjonit dhe Belindit në të njëjtën ditë në SPAK, politikë penale dhe jo profesionale

Spahiu: Thirrja e Erjonit dhe Belindit në të njëjtën ditë në SPAK, politikë penale dhe jo profesionale

26 Dhjetor, 22:50