Receta

Të gatuajmë me Zonjën Vjollca: Shqishqebap me qofte e patëllxhanë në furrë dhe Makarona me maskarpone

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:00.

Redaksia 5 Korrik 2019, 10:41 | Përditesimi: 5 Korrik 2019, 11:10

Receta e parë: Shishqebap me qofte dhe patëllaxhanë në furrë

Përbërësit:

LEXO EDHE:
Tavë me lakër arme dhe kimë nga zonja Albana

800 g patëllxhanë

500 g mish të grirë

kripë + piper të zi

piper te kuq pikant

vaj ulliri

400 gr domate

200 gr speca jeshil

300 gr pure domate

1 kokë hudhër

4-5 shkopinj shishqebapi

Përgatitja:

Presim patëllxhanët në feta rrumbullake me trashësi 1,5 cm dhe i vendosim ato në një tas me ujë dhe kripë. Në një tas vendosim mishin e grirë, 2 lugë gjelle vaj ulliri, kripë, piper të zi, piper të kuq. E lëmë brumin e qofteve të pushojë për 20 minuta. Pastaj formojmë qofte me rrezen e fetave të patëllxhanit. Me ndihmën e një shkopi shishqebapi vendosim një fetë patëllxhani, 1 qofte, një fetë patëllxhani e përsëri një qofte dhe kështu vazhdojmë derisa të bëhet një porcion me 5 feta patëllxhanë e 4 qofte. Pasi të ketë përfunduar ky proces vendosim shishqebapët në një tepsi ku shpërndajmë mbi to edhe disa feta domate, 1 kokë hudhër dhe 3-4 speca të prerë në feta. Ndërkohë në zjarr kemi vendosur një gotë salcë (pure domate) të ziejë me 3 lugë gjelle vaj ulliri e borzilok. E shpërndajmë mbi shishqebap. Mbulojmë tavën dhe e vendosim në furrë në temperaturën 200ºC për 35-40 minuta.

Shqishqebap me qofte e patëllxhanë në furrë

Receta e dytë: Makarona me maskarpone

Përbërësit:

320 gr makarona

1 qepë e vogel

1 thelpi hudhër

50 gr pançetë

250 gr maskarpone

kripë + piper të zi

borzilok

50 gr arra

Përgatitja:

Vendosim makaronat për të zier në ujë të valuar me kripë. Në një tigan me 2 lugë gjelle vaj ulliri kaurdisim hudhrën të grirë shumë hollë. Shtojmë pançetën dhe i kaurdisim së bashku për 5 minuta. Shtojmë maskarponen, borzilok dhe shtojmë pak ujë nga lëngu i makaronave. E trazojmë mirë atë deri sa të marrë trajtë kremoze. Kullojmë makaronat dhe i shtojmë në tiganin me mascarpone. I përziejmë për 1 minutë dhe i shërbejmë duke shtuar në fund arra të thërrmuara.