POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca: Speca të mbushur me gjizë dhe Makarona me perime/ Albani nga Tirana, fituesi i sotëm

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:

Receta e parë: Speca të mbushur me gjizë ( në furrë)

Përbërësit:

6 speca të kuq

300 gr djathë të bardhë ose gjizë

1 kokërr vezë

50 gr arra

2 gjethe dafine

4 lugë gjelle vaj ulliri

2-3 lugë gjelle qumësht

Kripë dhe piper I zi

Majdanoz

Përbërësit:

Pastrojmë specat nga farat. Nëse specat janë të mëdhenj, i presim në gjysma. Nëse janë të vegjël, pastrojmë farat duke i bërë një prerje nga sipër.

Në një tas vendosim gjizën ose djathin e thërrmuar. Shtojmë vezën të rrahur dhe të trazuar me 2 lugë gjelle qumësht. Shtojmë 3 lugë gjelle vaj ulliri, kripë e piper të zi. Presim arrat në copëza të vogla dhe i kaurdisim në tigan, pa yndyrë, deri sa të zverdhen. (Mund të përdorim disa stika pishe ose fara luledielli). I shtojmë në tas, i trazojmë dhe mbushim specat. Lyejmë tavën me vaj dhe vendosim specat e mbushur, vendosim në të 2 gjethe dafine. Vendosim në furrë në temperaturën 200ºC për 30 minuta.

Kjo recetë e zonjës Vjollca kushton 400 lekë dhe ishte Albani nga Tirana ai që gjeti vlerën e saktë duke u bërë fituese e vlerës 2000 lekë të reja. Ashtu si Albani edhe ju mund të bëheni fitues duke gjetur koston e saktë të recetës dhe duke telefonuar në numrin 044 400 101

Speca të mbushur me gjizë

Receta e dytë: Makarona me perime

Përbërësit:

400 gr makarona

200 gr mozzarella

200 gr domate qershi

2-3 kunguj të njomë

4 lugë gjelle vaj ulliri

1 thelb hudhër

Kripë, borzilok

Përgatitja:

Ziejmë makaronat me ujë të bollshëm me kripë. Pastrojmë kungujt dhe i presim ato në feta rrumbullake. Ngrohim tiganin e zgarës dhe pjekim kungujt në zgarë. Domatet qershi i presim më katërsh. Kthejmë kungujt dhe i pjekim mirë nga të dy anët. Vendosim domatet në një task u shtojmë borzolok të prerë me duar. Grijmë shumë hollë 1 thelb hudhër dhe e shtojmë atë tek domatet. Shtojmë kripë, vaj ulliri, mozarela dhe i trazojmë mirë. Largojmë makaronat nga zjarri. Shtojmë në tenxhere pak ujë të ftohtë dhe pasi i kullojmë i vendosim në një tas. Shtojmë mbi të domatet qershi të marinuara dhe me mozarela. I trazojmë mirë duke shtuar në fund dhe kungujt e pjekur, pak vaj e borzilok dhe i shërbejmë menjëherë.

Makarona me perime
 

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Humbi jetën pasi ra nga 10 metër lartësi në vendin e punës, zbulohen detaje të reja lidhur me 41- vjeçarin shqiptar në Itali

Humbi jetën pasi ra nga 10 metër lartësi në vendin e punës, zbulohen detaje të reja lidhur me 41- vjeçarin shqiptar në Itali

24 Nëntor, 09:15