Të gatuajmë me Zonjën Vjollca: Tartë e kripur me patate dhe Speca të mbushur me mish në salcë domate

Receta e parë: Tartë e kripur me patate

Përbërja:

700 gr patate

1 kokërr qepë

150 gr proshutë

2 speca me ngjyrë

100 gr djath të bardhë

4 lgj miell

3 kokrra vezë

80 gr djath kaçkavall i butë

kripë + piper të zi + rigon

Përgatitja:

Fillimisht qërojmë qepën dhe e grijmë atë në rende ose në kubikë shumë të vegjël. Patatet gjithashtu i qërojmë dhe i grijmë në rende. Bashkojmë më pas në një tas qepë, patate, kripë, piper të zi, rigon, miell, vezë dhe proshutë. I trazojmë mirë të gjithë përbërësit dhe këtë masë e shtrojmë në një tavë ku kemi vendosur një letër pjekje.

Specat e larë dhe të tharë i presim në kubikë dhe i shpërndajmë mbi bazën e tartës me patate. Presim djathin në kubikë, e shpërndajmë mbi speca dhe në fund të gjithë sipërfaqen e mbulojmë me një shtresë me djath pice. E vendosim tartën në furrë në temperaturën 200 gradë Celsius për 30-35 minuta.

Kjo recetë  kushton 420 lekë, por megjithë telefonatat e shumta asnjë nuk arriti ta gjente vlerën e saktë për tu brë në këtë mënyrë fitues i quiz-it tonë. Me vetëm një telefeonatë në numrin 044 400 101 dhe një shifër të saktë se sa kushton receta ju munf të bëheni fitues i 2000 lekëve të reja. 

Tartë e kripur me patate

Receta e dytë: Speca të mbushur me mish në salcë domate

Përbërësit:

1 kg speca

2 kokrra qepë

500 gr mish të grirë

3 thelpinj hudhër

2 lgj majdanoz i grirë

1 lç piper i kuq

1 kokërr vezë

9 lgj oriz

kripë dhe piper i zi

4 lgj vaj ulirri

400 gr pure domate

1 lgj miell

2 gota ujë

Përgatitja: 

Lajmë e pastrojmë specat nga bishti e farat. Në një tenxhere vendosim 2 lugë gjelle vaj dhe kaurdisim mirë qepët e grira deri sat ë zbuten. Shtojmë mishin e grirë dhe e kaurdisim deri sa mishi të marrë një ngjyrë të lehtë dhe të thërrmohet. Shtojmë 1 lugë ccaji piper të kuq të ëmbël, 1 lugë gjelle vegetë ose kripë, piper të zi, orizin dhe vazhdojmë kaurdisjen. Në një tenxhere tjetër të bollshme vendosim 2-3 lugë gjelle vaj dhe skuqim 1 lugë gjelle miell. E trazojmë miellin pa i dhënë ngjyrë. Mbushim specat me mish dhe oriz dhe vendosim një domate në krye që të mos dalë mbushja. I vendosim ato në tenxheren ku po zien uji. Në miell i vendosim me pjeën e mbushjes nga lart, pra vertikalisht. Shtojmë dhe pak ujë ku specat të të jenë me ujë deri në gjysmë të tyre. Në momentin që fillon të valojë tenxherja shtojmë purenë e domates. Rregullojmë shijen me pak kripë dhe piper ose vegetë. Vendosim kapakun dhe i lëmë të ziejnë për 25 minuta.

Speca të mbushur me mish në salcë domate

TAG:
• rreze dielli
• receta
• zonja vjollca
• tarte e kripur me patate
• Speca të mbushur me mish në salcë domate