POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca: Tartë me bizele e djathë dhe Fileto pule me patëllxhanë e speca/ Elda nga Shkodra, fituesja e sotme

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:00.

Receta e parë: Tartë me bizele dhe djathë

Përbërësit:

Për petën:

200 gr miell

100 gr gjalp I ftohtë

70 ml ujë

Pak kripë

Mbushja e tartës:

400 gr bizele

1 kokërr qepë

4 kokrra vezë

150 gr djathë i bardhë

300 gr krem kosi

30 gr parmixhanë

Përgatitja:

Petën mund ta blejmë edhe të gatshme por mund ta përgatisim edhe vetë duke vendosur në grirësen e qepës miellin, gjalpin e ftohtë në kubikë dhe I përziejmë mirë (mund ta përziejmë edhe me duar) deri sa të na formohet një masë e thërrmuar. Shtojmë kripë, shtojmë ujin dhe menjëherë kjo masë do të na mblidhet në një brum të lidhur. E mbështjellim me celefon dhe e vendosim në frigorifer( në ngrirëse) për 30-40 minuta.

Fillimisht e spërkatim petën me pak parmixhan të grirë. Me një garuzhde shtojmë mbi parmixhan masën e përgatitur më parë.  E vendosim në furrë në temperaturën 180ºC për 40 minuta.

Tarta e gatuar nga Zonja Vjollca kushton 580 lekë. Elda nga Shkodra e cila u bë pjesë e quiz-it të sotëm arriti të gjente vlerën e saktë se sa kushton receta dhe në këtë mënyrë u bë fituese e 2000 lekëve të reja. Pjesë e quiz-it dhe fitues gjithashtu mund të bëheni të gjithë ju duke telefonuar në numrin dhe duke gjetur sa kushton receta që po gatuan Zonja Vjollca

Tartë me bizele e djathë

Receta e dytë: Fileto pule me patëllxhanë dhe speca

Përbërësit:

400 gr fileto pule

kokërr qepë

2 speca, 1 lugë gjelle salcë

3 patëllxhanë

5-6 thelpinj hudhër

2 domate

1 lugë kafe piper të kuq

Kripë dhe piper i zi

2 gota ujë

4 lgj vaj ulliri

Përgatitja:

Ngrohim vajin dhe kaurdisim qepën në kubikë deri sa të bëhet transparente. Shtojmë mishin e pulës në kubikë dhe e kaurdisim deri sa mishi të zverdhet pak. Shtojmë pak kripë, specat e prerë në kubikë dhe i kaurdisim më pas duke shtuar patëllxhanët e prerë në kubikë të vegjël me brinjë 1 cm. I kaurdisim mirë duke shtuar hudhrat e prera në copa.

Shtojmë domatet të qëruara dhe të prera në kubikë. Shtojmë domatet të qëruara dhe të prera në kubikë. Shtojmë 1 lugë kafe piper të kuq, kripë e piper të zi. E lëmë të ziejë pak dhe shtojmë 2 gota ujë të nxehtë dhe e lëmë të ziejë për 15-20 minuta deri sa mishi dhe perimet të ziejnë.

Fileto pule me patëllxhanë e speca

 

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Spahiu: Thirrja e Erjonit dhe Belindit në të njëjtën ditë në SPAK, politikë penale dhe jo profesionale

Spahiu: Thirrja e Erjonit dhe Belindit në të njëjtën ditë në SPAK, politikë penale dhe jo profesionale

26 Dhjetor, 22:50