Receta e parë: Tartë me pjeshkë
Përbërësit:
3-4 kokrra pjeshkë
3 kokrra vezë
180 g sheqer kaf
70 ml vaj bimor
50ml amareto
250 g miell
1 pako pluhur pjekës
Përgatitja:
Lajmë pjeshkët dhe i presim në feta të holla me trashësi 1 cm. Një pjeshkë mund ta qërojmë dhe ta presim në kubikë ( nëse dëshironi mund ti vendosni edhe në brum). Pjeshkët e prera në feta me lëkurë dhe i vendosim në një tas ku do të shtojmë në të 3 lugë gjelle amareti (liker) dhe 2 lugë gjelle sheqer kaf. I përziejmë së bashku dhe i lëmë mënjanë. Në një tas vendosim 3 kokrra vezë të plota. I përziejmë mirë dhe shtojmë sheqerin. Vazhdojmë përzierjen deri sa sheqeri të shkrijë. Shtojmë vajin, 30 ml amareti (liker) dhe vazhdojmë përzierjen duke shtuar ngadalë 250 gr miell. Shtojmë pluhur pjekës deri sa të na formohet një brum i rrjedhshëm. Nëse dëshironi mund të shtoni kubikë pjeshke. Lyejmë një tavë me vaj, e pudrosim me miell dhe nivelojmë në të brumin. Në fund dekorojmë tartën sipër me feta pjeshke duke I vendosur ato në të gjithë sipërfaqen e brumit. Vendosim tepsinë në furrën e parangrohur në temperaturën 180ºC për 40 minuta. Në fund e nxjerrim, e lëmë të ftohet për 15 minuta dhe më pas e pudrosim me sheqer pluhur.
Kjo recetë kushton 320 lekë dhe ishte Lira nga Shkodra ajo që u bë fituese e 2000 lekëve të reja. Lira e fitoi quiz-in pasi gjeti saktë vlerën se sa kushtonte receta. Në të njëjtën mënyrë, edhe ju mund të bëheni fitues duke telefonuar në numrin 044 400 101
Tartë me pjeshkë
Receta e dytë: Sallatë e ftohtë me oriz
Përbërësit:
250 g oriz
150 g domate qershi
150 g kaçkavall
150 g proshut viçi
80 g bizele
80 g spec i kuq
80 g spec i verdhë
80 g ullinj të zi
80 g kastraveca turshi
3 qepë të njomë
kripë + piper të zi
vaj ulliri
Përgatitja:
Ziejmë orizin, e kullojmë atë dhe e ftohim. Ziejmë bizelet. Presim ullinjtë në unaza, domatet e prera në katërsh. Proshutën, kaçkavallin, specat dhe kastravecat turshi I presim në kubikë. Përziejmë të gjithë përbërësit me orizin, vaj ulliri, pak kripë dhe e shërbejmë.
Sallatë e ftohtë me oriz
Receta e tretë: Sallatë me oriz 3 ngjyrëshe
Përbërësit:
240 g oriz
2 lgj pesto xhenoveze
200 g mozzarela
150 g domate qershi
4 lgj vaj ulliri
Borzilok
Përgatitja:
Ziejmë orizin për 14-16 minuta. E lëmë të ftohet (por dhe mund ta shpëlajmë). Vendosim orizin në një tas. Shtojmë në të 2 lugë gjelle pesto majoneze dhe e përziejmë me orizin. Shtojmë domatet të prera në katërsh dhe djathin të prerë në kubikë me brinjë 1 cm.
Shtojmë në të vajin e ullirit dhe e përziejmë mirë. E shërbejmë duke e zbukuruar pjatën me borzilok.
Sallatë me oriz trengjyrëshe
Lajme të tjera
-
Mjalti, shëruesi i madh i 216 sëmundjeve, Altin Joka: Si të përdoret pa humbur vlerat / Provat e pagabueshme, si të dallojmë mjaltin pa hile
20 Nëntor, 16:33 -
Tavë me lakër arme dhe kimë nga zonja Albana
20 Nëntor, 11:07 -
‘Kujdes nga skandalet, çdo gjë shihet me lupë’, Jorgo Pulla paralajmëron… /Horoskopi javor 18-24 nëntor
18 Nëntor, 13:57 -
Ylli Merja prezanton 'frutin magjik' insulinë natyrale e diabetikëve/ Shenjat e hershme të diabetit dhe regjimi ushqimor
11 Nëntor, 16:28 -
Mundësi ideale në punë! Ja shenjat që përfitojnë…/Horoskopi javor 11-17 nëntor nga Jorgo Pulla
11 Nëntor, 13:12 -
Mos i neglizhoni miomat/ 'Mishi i huaj' në mitër, ja si të shpëtoni pa kirurgji me kurën nga Ylli Merja
4 Nëntor, 16:30 -
Ndryshime kolosale këtë javë/ 'Alarm shenjat e ...' Horoskopi 4-10 nëntor nga Jorgo Pulla
4 Nëntor, 13:28 -
Supë me mish qengji nga gazetarja Admirina Peçi
31 Tetor, 11:47 -
Sallatë e egër me lëng shege nga Admirina Peçi
31 Tetor, 11:40 -
Hasude me arra sipas traditës matiane nga Admirina Peçi
31 Tetor, 11:34 -
‘Pa to, nuk kemi jetë’, Ja zakonet që po ju dëmtojnë veshkat / Altin Joka tregon ushqimet dhe bimët më të mira për shëndetin e veshkave
30 Tetor, 16:30 -
Bukë misri me djathë e majdanoz nga Niki dhe Eljani
30 Tetor, 12:23
