Të gatuajmë me zonjën Vjollca: Tavë me çur dhe qepë/Sallatë me thjerrëza dhe panxhar/Brusketa me avokado dhe karkaleca

Receta e parë: Tavë me çur dhe qepë

Përbërësit:

1 gjel  3-4 kg

2 kg qepë

1 filxhan çaji oriz

Kripë dhe piper i zi

Vaj, 100 gr gjalp

Përgatitja:

Marinojmë gjelin me kripë, piper, gjalp, vaj, lëng limoni dhe 1 thelpi hudhër. Në një tas vendosim gjalp, kripë, piper dhe i përziejmë së bashku. Vendosim në barkun e gjelit 1/2 qepë , limon, dafinë dhe e mbulojmë me 1 letër alumini. E vendosim në furrë, fillimisht në temperaturë të lartë për 30 minuta dhe më pas e ulim temperaturën në 170-180ºc. Për peshën që kemi ne do të na mjaftonte 2 orë e 30 minuta. Mesatarisht 30-40 minuta për 1 kg.

1 ditë më parë qërojmë qepët dhe i presim ato nënfeta të holla si për sallatë. I vendosim në një tenxhere të thellë duke i kaurdisur ato pa yndyrë deri sa ato të karamlizohen dhe të marrin ngjyrë caramel, duke i ndihmuar herë pas here me nga një pikë ujë që të mos digjet. Pasi të piqet gjeli, shtojmë në qepë lëngun e gjelit, e lëmë të ziejë së bashku për 15-20 minuta duke provuar shijen për kripë. Shtojmë 1 lugë kafe piper të zi dhe më pas shtojmë orizin . E lëmë orizin në zjarr vetëm 5 minuta, e shtrojmë qepën në tavë dhe e vendosim në furrë. Në fund serviret një racion gjel me pak tavë me qepë.

Shënim: nëse gjelin e prisni në copa , e skuqni pak dhe i jepni vetëm një valë për 10 minuta me pak lëng. Lëngun e shtojmë në qepë , i japim valë, shtojmë orizin , e valojmë për 5 minuta dhe e shtrojmë në tavë. Vendosim copat e gjelit dhe më pas e vendosim në furrë për tu pjekur. Kjo tavë vendoset në tavolinë dhe shërbehet për secilin.

Receta e dytë: Sallatë me thjerrëza dhe panxhar

Përbërësit:

100 gr thjerrëza

2 gjethe dafine

2 degë trumëz

2 panxhar (të zier)

Djath i bardhë

Arra, fara luledielli etj

Salca (dresing)

1 lç mustardë

2 lugë mjalt

2 lgj uthull balsamike

3 lgj vaj ulliri

Një majë kumin

Kripë dhe piper i zi

Përgatitja:

Shpëlajmë dhe vendosim thjerrëzat për të zier 25 minuta në temperaturë mesatare duke vendosur brenda në tenxhere 1-2 gjethe dafine dhe trumzë. I lëmë të ziejnë aldente duke i zier në temperaturë mesatare. Pas zierjes i kalojmë në ujë të ftohtë. Bashkojmë të gjithë përbërësit e salcës, e rrahim fort deri sa ajo të marrë formë kremoze. Presim panxharin në feta ose kubikë dhe i përziejmë në thjerrëzat dhe salcën. I vendosim brenda në sallatë ose anash feta djathi të bardhë. E spërkatim sallatën me arra.

Receta e tretë: Brusketa me avokado dhe karkaleca

Përbërësit:

1 bagetë

Krem djathi

1 avokado

8-10 karkaleca

Përgatitja:

Presim bagetën në feta. I lyejmë ato me krem djathi. Vendosim mbi çdo brusketë feta avokado e mbi të një karkalec të skuqur.

 

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A besoni se SPAK do të bëjë drejtësi për 21 janarin?



×

Lajmi i fundit

VIDEO/ Rama në Londër për samitin me liderët e BE, momenti kur pritet nga kryeministri britanik

VIDEO/ Rama në Londër për samitin me liderët e BE, momenti kur pritet nga kryeministri britanik