Receta

Të gatuajmë me zonjën Vjollca/ Tavë me fasule pllaqi dhe Byreçka me palaçinka

Në këtë hapësirë të faqes sonë do të gjeni mënyrën e përgatitjes së recetave të gatimit të përgatitura nga Zonja Vjollca .Këto receta Zonja Vjollca i gatuan çdo ditë në emisionin "Rreze Dielli" nga ora 08:45 -10:00.

Redaksia 5 Nëntor 2019, 11:08 | Përditesimi: 5 Nëntor 2019, 12:00

Tavë me fasule pllaqi

Përbërësit:

LEXO EDHE:
Tavë me lakër arme dhe kimë nga zonja Albana

400 gr fasule pllaqi

1 qepë

300 gr pure domate

1 lugë çaji piper i kuq

2 karrota

5-6 thelpinj hudhra

Kripë dhe piper i zi

Piper pikant

1 lugë kafe sheqer

Rigon

Nenexhik

Majdanoz

Përgatitja:

Lajmë fasulet dhe i vendosim në tas, i mbulojmë me ujë dhe i lëmë gjithë natën të zbuten.

I shpëlajmë dhe pasi ti mbulojmë me ujë i vendosim për të zierë.

Ndërkohë në një tigan ngrohim vajin e ullirit dhe pasi të shtojmë qepën e kacvardisim mirë derisa të zverdhet, shtojmë karrotën të prerë në feta, hushrat, purenë e domates dhe I përziejmë të gjitha së bashku. E lëmë qepën dhe domaten për të zierë 5 minuta. Rregullojmë shijen me kripë dhe piper të zi dhe pipër të kuq apo pak spec pikant nëse dëshironi, nenexhik dhe rigon. Shtojmë dhe fasulet, jo të ziera plotësisht, një gotë e gjysmë lëng mishi dhe vendosim tavën në furrë, në temeraturë 180 gradë Celsius, për 20-25 minuta.

Byreçka me palaçinka

Përbërësit:

2-3 vezë

300 ml qumësht

300 ml ujë

270 gr miell

1 lugë pluhur pjekës

1 lugë kafe kripë

2 lugë gjelle majdanoz i grirë hollë

150 gr djathë cheddar

100 gr djathë feta

Përgatitja:

Rrahim vezët në një tas dhe shtojmë në të qumështin, ujin, kripën, pluhurin pjekës, miellin dhe i trazojmë derisa të formohet një masë homogjene (e hollë). Shtojmë majdanozin e grirë hollë dhe bishtat e qepës të grirë hollë.

Lyejmë një tigan me pak vaj ose gjalpë dhe shtojmë një garuzhde nga brumi, i pjekim nga të dyja anët dhe i largojmë.

Vendosim në çdo palaçinkë, në qendër, djathë të bardhë dhe djathë cheddar, i palosim ato në formë katrore dhe i lëmë mënjëanë. Në një tigan hedhim pak vaj Olim dhe i skuqim byreçkat duke vendosur palosjen fillimisht nga poshtë.

I largojmë duke i vendosur në një pjatë me letër kuzhine.

I shërbëjmë të ngrohta të shoqëruara sipas preferencës.