POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca/ Tavë me oriz, mish të grirë e perime dhe Sallatë me qiqra e djath

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:00.

Receta e parë: Tavë me oriz, mish të grirë dhe perime

Përbërësit:

400 gr mish i grirë

1 kokërr qepë

3 speca me ngjyrë

2 karrota

2 kupa oriz

1 lugë gjalp

2 lgj vaj ulliri

Kripë dhe piper i zi

2 lgj majdanoz i grirë

Beshameli:

40 gr gjalp

40 gr miell

400 ml qumësht

Kripë dhe arre moskat

2 lgj parmixhan i grirë

Përgatitja:

Fillimisht vendosim orizin për të zier jo si zakonisht në raportin 1 masë oriz dhe 2 masa ujë, por 1 masë oriz me 1 masë e gjysmë ujë. Do ta lëmë shumë aldent për arsye se do të vazhdojë gatimi në furrë. Në një tigan të thellë vendosim vajin, 1 thelp hudhër dhe kaurdisim kërpudhat. Sa të zverdhen pak, i largojmë.

Në po atë tigan kaurdisim qepën sa të zbutet, karrotën e grirë në kubikë të vegjël dhe i kaurdisim për 3 minuta.  Shtojmë mishin e grirë dhe vazhdojmë me kaurdisjen deri sa mishi të gatuhet. Shtojmë aty edhe kërpudhat e skuqura dhe i trazojmë së bashku. Në fund shtojmë specat, kripë e piper të zi dhe majdanozin e grirë.

Në një tavë keku ose tavë xhami fillimisht shtojmë si bazë orizin gjysmë të zier dhe e nivelojmë në komplet tepsinë. Mbi oriz shtojmë kimën me perime.

Përgatisi beshamelin, shkrijmë gjalpin dhe kaurdisim miellin pa i dhënë ngjyrë dhe më pas shtojmë gradualisht qumështin. E lëmë të marrë valë, shtojmë kripë, arrë moskat dhe gjysmën e parmixhanit.

Shtojmë mbi kimën me perime beshamelin dhe e nivelojmë mirë. Në fund e spërkatim me parmixhan të grirë dhe e vendosim në furrë në temperaturën 180ºC për 20 min.

Tavë me oriz, mish të grirë e perime

Receta e dytë: Sallatë me qiqra dhe djath

Përbërësit:

300 gr  domate qershi

1 kastravec

250 gr qiqra

1 tufë majdanoz

60 gr djath i bardhë

1 limon

1 lç mjaltë

2 lugë uthull balsamike

3 lgj vaj ulliri

Pak kripë

Përgatitja:

Lajmë domatet qershi dhe i presim në copa të vogla e më pas i vendosim në një tas. Lajmë kastravecin, e pastrojmë atë dhe e presim në kubikë të vegjël dhe i bashkojmë në tasin me domate.

Shpëlajmë dhe i kullojmë mrië qiqrat duke i bashkuar së bashku me domatet dhe kastravecin në një tas. Lajmë dhe shkundim majdanozin duke e prerë jo shumë hollë dhe gjithashtu e vendosim në tasin me përbërësit e tjerë.

Përgatisim dresingun duke trazuar bashkë në një tas lëng limoni, mjalt, uthull balsamike, vaj, kripë. Përzierjen e shtojmë në sallatë. Në fund presim djathin në kubikë dhe e shtojmë në sallatë , i përziejmë mirë dhe më pas e shërbejmë.

Sallatë me qiqra e djath

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

A është manipuluese natyra njerëzore?

A është manipuluese natyra njerëzore?

28 Nëntor, 09:24