POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca/ Tortë me kumbulla dhe Fërgesë me kunguj e vezë

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 09 : 30 – 10 : 30

Receta e parë : Tortë me kumbulla

Përbërësit :

3 kokrra vezë

150 gr sheqer

150 gr krem djathi

30 ml qumësht

100 gr miell

100 gr miell misri

100 gr niseshte

80 gr vaj

1 pluhur pjekës

1 sheqer vanilje

Përgatitja :

Fillimisht lajmë e thajmë kumbullat dhe i presim ato në feta. Rrahim vezët duke shtuar në to sheqerin dhe e përziejmë deri sa sheqeri të shkrijë.

Shtojmë kremin e djathit dhe e trazojmë deri sat ë na formohet një masë homogjene. Shtojmë vaj, qumësht dhe pak kripë.

Në një tas përziejmë produktet e thata , miellin e grurit, miellin e misrit, niseshtenë, pluhurin pjekës dhe vaniljen. I trazojmë ato dhe gradualisht i shtojmë tek tasi ku kemi trazuar produktet e lëngshme. I trazojmë mirë deri sa bëhet një brumë i butë.

Shtojmë brumin në një tavë të lyer me gjalp dhe të spërkatur me miell. E nivelojmë sipërfaqen dhe vendosim në të feta kumbulle. I spërkatim me sheqer dhe vendosim tortën në furrë në temperaturën 175ºC për 30 minuta. Pasi torta piqet , e ftohim atë dhe e pudrosim me sheqer pluhur sipas dëshirës.

Receta e dytë : Fërgesë me kunguj dhe vezë.

4 kunguj të njomë

1 kokërr qepë

2 domate

4 kokrra vezë

4 thelpinj hudhër

Vaj ulliri

Kopër

Kripë dhe piper i zi

Përgatitja :

Fillimisht, lajmë dhe thajmë kungujt dhe i presim ato në shirita me trashësi 1 cm dhe gjatësi 3- 4 cm. Në një tigan të madh vendosim vajin e ullirit , qepën dhe i kaurdisim deri sa qepa fillon të zverdhet. Shtojmë në të kungujt dhe i kaurdisim për 3 – 4 minuta. Shtojmë më pas domatet e shtrydhura dhe hudhrat e grira dhe dhe i lëmë të ziejnë në temperaturë mesatare për 10 minuta.

Pasi kalojnë 10 minuta rrahim vezët me kripë e piper të zi dhe is htojmë tek kungujt. I mbulojmë ato me kapak dhe i lëmë të ziejnë për 5 minuta të mbyllur në temperaturë nën mesatare. Në fund e servirim me pak kopër.

Ju bëftë mirë!

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça