POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca : Tartë me kunguj të njomë dhe Fërgesë me mish të grirë e perime

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:00.

Receta e parë: Tartë me kunguj të njomë

Përbërësit:

1 petë sfoliatë

4-5 kunguj te njomë

1 lç lëkurë limoni

2 lgj vaj ulliri

250 gr gjizë pa kripë

3 kokrra vezë

2 thelpi hudhër

nenexhik i freskët një degë

2 lgj parmixhan i grirë

kripe+ piper i zi

Përgatitja:

Fillimisht parangrohim furrën në temperaturen 200 gradë Celsius.

Presim kungujt në feta rrumbullake dhe i vendosim në një tas ku shtojmë lëkurën e limonit, kripën dhe piperin e zi.

Në një tas tjetër përziejmë vezët me gjizën dhe me pak nenexhik të freskët.

Shtrojmë petën duke e shtypur me pirun në një tavë dhe e vendosim në furrë për 10 minuta. Më pas mbi petën e pjekur vendosim fillimisht gjizën trazuar me vezë dhe nenexhik. Mbi gjizë vendosim fetat e kungullit në formë tjegullash.

Në një tas të vogël vendosim pak vaj ulliri, hudhrat e shtypura dhe pak nenexhik të grirë, e trazojmë dhe lyejmë komplet kungujt nga sipër. E spërkasim në fund tartën me djathë parmixhano dhe e vendosim në furrë për 20 minuta derisa kungujt të marrin pak ngjyrë.

Tartë me kunguj të njomë

Receta e dytë: Fërgesë me mish të grirë dhe perime

Përbërësit:

4 qepë të njoma

4 thelpi hudhër

400 gr mish i grirë

400 gr kunguj+ patëllxhanë

200 gr domate

50 ml pure domate

kripë + piper i zi

vaj ulliri

125 gr mozzarella

borzilok

Përgatitja:

Ngrohim vajin në një tigan, shtojmë hudhrat dhe qepët të pastruara dhe të prera në unaza me gjithë bishtat dhe i kaurdisim për 2-3 minuta, më pas shtojmë mishin e grirë duke e përzier derisa të ndryshojë ngjyrë por dhe të përthithë komplet lëngun.Ndërkohë presim domatet, kungujt dhe patëllxhanët në kubikë me brinjë 1 cm dhe i vendosim në tiganin ku kaurdisëm mishin. Sapo perimet të fitojnë pak nxehtësi shtojmë salcën e domates, kripën dhe piperin e zi dhe e lemë fërgesën të ziejë për 10 minuta, më pas shtojmë disa gjethe borziloku të prera vrazhdë si dhe djathin mocarela. Vendosim kapakun dhe e lemë gatimin në zjarr të ulët dhe 5 minuta të tjera dhe më pas e servirim të ngrohtë.

Fërgesë me mish të grirë e perime 

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Xbjxkddm: 14/05/2019 12:11

    Qekur fjala "zonje" shkruhet me te madhe? Apo e ka emrin ashtu?! Ah analfabete ju!

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Mësuesi kthen shtëpinë në shkollë për të mësuar Romishten: Po harrojmë ta shkruajmë, politika jo vëmendje ndaj nesh

Mësuesi kthen shtëpinë në shkollë për të mësuar Romishten: Po harrojmë ta shkruajmë, politika jo vëmendje ndaj nesh

24 Nëntor, 19:34