Një nga shtyllat kryesore të stabilitetit financiar në vend janë bankat, institucionet-jo banka, shoqëritë e kursim-kreditit si dhe zyrat e këmbimit valutor, por që fatkeqësisht të gjitha këto pjesë përbërëse janë të rrezikuara ndaj pastrimit të parave. Banka e Shqipërisë në raportin për vitin 2020 për Mbikëqyrjen Financiare thotë se bankat e nivelit të dytë janë të gjitha të rrezikuara ndaj financimit të terrorizmit dhe pastrimit të parave të pista.
5 prej bankave kanë rrezik të lartë ndërsa 7 rrezik të mesëm, pra asnjë nga bankat nuk është e pa-rrezikuar.
Të njëjtat shifra janë raportuar edhe për vitin 2019, sa i takon rrezikut për këtë dukuri nëpër banka, pra nuk ka pasur ndonjë përmirësim të dukshëm. Sipas analizës së bërë problematikat kryesore të identifikuara në banka janë: mungesë e të dhënave mbi volumin e aktivitetit apo nuk provohet asnjë e ardhur nga biznesi, apo mungesë dokumentacioni mbi burimin e fondeve.
Në disa është konstatuar mungesë dokumentacioni ligjor për klientin dhe dokumentacioni mbështetës për transaksionet. Po ashtu është konstatuar se ka pasur mungesë monitorimi nga bankat për destinacionin e kredisë konsumatore me kolateral kur klienti është i kategorisë së lartë të rrezikut.
Gjatë vitit të kaluar banka qendrore ka kryer kontrolle në 49 subjekte financiare, banka, jo-banka e shoqëritë e kursim-kreditit, ku 36 prej subjekteve kishin rrezik të mesëm për pastrimin e parave dhe 13 prej tyre rrezik të lartë. Pa rrezik nuk është vlerësuar asnjë institucion i kontrolluar.
Sipas bankës arsyet e vlerësimit të subjekteve me rrezik të lartë janë, kur ka subjekte ku raporti i numrit të klientëve me rrezik të lartë është i madh ndaj numrit total të klientëve apo kur ka transferta me rrezik të lartë në numër të madh ndaj numrit totalit të transfertave të kryera. Po ashtu ka pasur probleme edhe me cilësinë e raportimit pranë autoritetit për administrimin e rrezikut të parandalimit të pastrimit të parave dhe financimit të terrorizmit.
Lajme të tjera
-
Transfertat kombëtare në euro u rritën me 33% për 10-mujorin e këtij viti
22 Nëntor, 14:54 -
Shqipëria në SEPA/ Ambasadori Gonzato takim me Sejkon: Moment historik, qytetarët dhe bizneset më afër tregut unik të BE
22 Nëntor, 11:21 -
Fatos Çoçoli: Rilindja e pensioneve?
21 Nëntor, 18:45
-
Shqipëria anëtare e SEPA-s, Sejko: Kostoja e pagesave ndërkufitare në euro, 5 herë më e ulët! Kursimi në ekonomi 20 mln euro në vitin e parë
21 Nëntor, 17:50 -
Shqipëria pranohet zyrtarisht në SEPA
21 Nëntor, 16:38 -
Parapagimi i tatimit nga profesionet e lira, Malaj: Brenda dhjetorit do kthehen shumat e paguara
21 Nëntor, 15:36 -
Vrojtimi i Bankës së Shqipërisë/ 37% e bizneseve kanë një borxh për të shlyer! Të vegjlit marrin hua për shpenzime të papritura, të mëdhenjt 'zhyten' për investime
19 Nëntor, 22:34
-
Si do shpenzohen 8.2 mld euro në vitin 2025? Ja shpërndarja e buxhetit, institucionet që marrin më shumë lekë
19 Nëntor, 19:21
-
Buxheti 2025/ Si do të shpërndahen 8 miliardë euro! Fjala e plotë e ministrit të Financave Petrit Malaj
18 Nëntor, 14:33 -
Këshilli Europian i Pagesave shqyrton aplikimin e Shqipërisë në SEPA
16 Nëntor, 12:09 -
Zhvlerësimi i euros, BSH: Po bëjmë analiza për të ndërhyrë për të ndaluar rënien e shpejtë
15 Nëntor, 11:10 -
Banka e Shqipërisë kërkon rishikim të skemës së pensioneve, rrezik për financat publike! Zv/ Guvernatorja ep opinionin për pr/buxhetin 2025 tek 'Ekonomia'
15 Nëntor, 10:04
