POP 5

Lajmet më të lexuara të 5 minutave të fundit

Kultura

'Të gjithë jemi poetë të vetes tonë', promovohen botimet e tre poetëve lezhianë

Tre botime të reja, vëllime me poezi janë promovuar në bibliotekën e të autorëve Marash Mirashi, Alma Jaku dhe Salvator Gjeçi. Një aktivitet ky i organizuar nga  Poeti Laureat Rudolf Marku, i cili vlerësoi botimet e reja.

Marash Mirashi, Salvador Gjeçi dhe Alma jaku, prezantuan vëllimet më të fundit poetike në biblioteken "Gjergj Fishta" në Lezhë.

Ky takim letrar bëri bashkë shkrimtar, poet e dashamires të librit të cilët bashkëbiseduan me autoret e këtyre botimeve, duke nxjerr në pah vlerat e Lezhës në fushën poetike.

"Janë 3 poetë që vijnë me libra seriozë. Vijnë si poetë që pretendojnë për vendin e tyre në poezinë shqipe", tha shkrimtari Rudolf Marku.

"Gëte thotë nëse do të kuptosh dhe të njohësh një poet duhet të njohësh fshatin e tij dhe nëse do të njohësh dhe të kuptosh poezinë duhet të njohësh tokën e tij. Fshati është shkolla poetike e Lezhës për 3 poetët tanë, kurse toka është ajo çfarë sjellin mes nesh", tha drejtor i bibliotekës  Albert Çuko.

"Askush në Lezhë s'më ka njohur si poete dhe për 20 vite unë hoqa dorë. Përsëri mësues Noja stë le rehat dhe është ai që më bëri të shkruaj përsëri", tha poetja Alma Jaku.

"E vlerësoj dëshirën tuaj për të ardhur dhe për tu takuar me njëri tjetrin. Të gjithë jemi poetë të vetes tonë, lexues dhe më gëzoi fakti që vetë Berti thotë që këtu në biliotekën e Lezhës ka njerëz që vijnë dhe lexojnë", tha poeti Marish Mirashi.

 "Gjithkush e ka nismën e vetë në 1 drejtim. Kam filluar të shkruaj poiezi që kur isha student dhe kanë qenë 10-12 poezi që kam shkruar kur kam marrë konsideratën e parë", tha poeti Salvador Gjeçi.

"Hem Udhë hem udhëtar" i Salvador Gjeçit, "Globi mbi Gishtërinj" i Alma Jakut dhe "Britmat e muzgut modern" i Marash Mirashit janë tre vëllimet e reja poetike që mund të gjenden në çdo librari.

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Rusia dënon me mbi 4 vjet burg ish punonjësin e konsullatës amerikane

Rusia dënon me mbi 4 vjet burg ish punonjësin e konsullatës amerikane

2 Nëntor, 20:55