POP 5

Lajmet më të lexuara të 5 minutave të fundit

Sociale

Të hënën nis viti i ri akademik, rektori i UT, Artan Hoxha: Studentët e pavaksinuar do të lejohen nëse paraqesin test PCR, mbi 50% janë vaksinuar! S'ka mësim online

Rektori i Univerisitetit të Tiranës, Artan Hoxha në një komunikim për mediat tha se Universiteti i Tiranës ka numri më të lartë të studentëve të vaksinuar. Rektori Hoxha tha se mbi 50% e studentëve janë vaksinuar dhe studentët e pavaksinuar do të duhet të paraqesin test PCR

TIRANË- Kur duhen vetëm tre ditë nga nisja e vitit të ri akademik, pra me 18 tetor, mbi 50% e tyre janë vaksinuar, e ndërsa studentët e pavaksinuar, do të duhet të paraqesë një test PCR, ku vërtetojnë se nuk janë të infektuar. Kështu deklaroi në një prononcim për gazetarët rektori i Universitetit të Tiranës, Artan Hoxha, i cili tha se pikat e vaksinimit në fakultete do të vijojnë që të funksionojnë për të gjithë ata studentë që nuk e kanë të mundur që të vaksinohen. Rektori pohoi se studentët që vijnë për herë të parë ne Universitet janë më të vaksinuarit.

‘Unë besoj se i gjithë dokumentacioni është i nevojshme dhe i pranueshëm në Unversitetin e Tiranës, pasi thelbi është të dihet nëse janë të infektuar apo bartës të virusit. Mjafton të paraqesin një dokument PCR, apo edhe ato që nuk duan ta bëjnë vaksinën do të lejohen në auditore me test PCR.  Me këtë rritje që UT ka me vaksinimin, me ndërgjegjësimin që ata kanë, dhe me mundësinë që u kemi dhënë besojmë se procesi i vaksinimit do ecë normalisht dhe paralel. Besojmë se studentët do te vaksinohen. Mbi 50% e studentëve janë të vaksinuar. Por studentët nuk kanë ardhur akoma, dhe ato që vijnë nga rrethet besojmë do të vaksinohen.’- tha Hoxha.

Teksa u pyet për zhvillimin e mësimit online, rektori Hoxha tha ka qenë një dëshirë e vetë studentëve për t’u kthyer në auditore, ndërkohë që situata do të shihet më tej.

‘Ka 2 vite e ca që studentët tanë nuk frekuentojnë auditoret. Mësimi online, edhe pse është përmirësuar në mënyrë cilësore dhe komunikimi student-pedagog ka qenë i mirë, gjithsesi ky lloj komunikimi, nuk është ai normali, kështu që ajo që kemi konstatuar është dhe një dëshirë, padurim që studentët t’i kthehen auditorit. Kemi mundësinë duke iu rikthyer normalitetit. Do të shikojmë se si do të jetë situata më tej. Ne nuk jemi organe kompetente për të parashikuar shpërndarjen, por duke parë dhe eksperiencën e vendeve të tjera, afër dhe larg nesh, auditoret janë të hapura dhe programet mësimore po zhvillohen normalisht.’- tha Hoxha.

Sakaq rektori Hoxha tha se më datën 10 nëntor do të fillojë cikli i dytë i studimeve master.

 

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

17 Nëntor, 22:58