Presidenti polak Andrzej Duda fali të martën dy ish anëtarë të kabinetit qeveritar dhe bëri thirrje për lirimin e tyre të menjëhershëm nga burgu, në përputhje me kërkesat e partisë kryesore opozitare Ligj dhe Drejtësi (PiS), e cila humbi zgjedhjet muajin e kaluar.
Ish ministri i brendshëm Mariusz Kaminski dhe zëvendës i tij Maciej Wasik u burgosën këtë muaj pasi u dënuan për abuzimin me detyrën në funksionet e tyre qeveritare. Të dy zyrtarët u futën në grevë urie, duke thënë se janë të burgosur politikë dhe burgosja e tyre shkaktoi protesta të gjera me pjesëmarrjen e dhjetëra mijëra mbështetësve të partisë PiS.
Presidenti Duda, një aleat i kësaj partie, pati dekretuar faljen e të dy politikanëve pasi u dënuan fillimisht në vitin 2015, por Gjykata e Lartë polake e shpalli të pavlefshëm dekretin e tij, duke thënë se falja presidenciale nuk mund të bëhej përpara se të merrej një vendim përfundimtar për çështjen.
Dy ish-zyrtarët shërbenin në atë kohë në qeverinë nacionaliste të partisë PiS dhe Gjykata e Lartë vendosi vitin e kaluar se çështja duhej të rihapej. Ata u dënuan me dy vite burgim në dhjetor, kur qeveria e re e koalicionit të qendrës mori pushtetin në Poloni.
Pak ditë pas burgosjes së tyre, zoti Duda njoftoi se kishte filluar procesin për faljen e tyre për herë të dytë.
“Për mua, ata janë gjithnjë të falur, por duke marrë parasysh trazirat sociale, vendosa të filloj procedurë të re faljeje. I bëj thirrje ministrit të drejtësisë për lirimin e menjëhershëm nga burgu të këtyre dy zotërinjve”, u shpreh në një deklaratë presidenti Duda.
Më herët të martën, ministri i Drejtësisë Adam Bodnar, i cili është edhe prokuror i përgjithshëm, tha se dy personat nuk duhet të falen, por se opinioni i tij nuk është i detyrueshëm për presidentin.
Kryeministri i ri Donald Tusk është zotuar të zhbëjë disa nga politikat e partisë PiS dhe të ndëshkojë zyrtarët e akuzuar për shkelje gjatë periudhës që ishin në detyrë. Zoti Tusk ka thënë se dëshiron ta rikthejë Poloninë në linjat e standardeve demokratike të Bashkimit Evropian, pas qeverisjes tetëvjeçare të partisë PiS gjatë së cilës pati përplasje të rregullta me Brukselin për reformimin e gjyqësorit, mediave dhe sektorë të tjerë./VOA
Lajme të tjera
-
VIDEO/ Ertjan Kofsha 'lahet në ar', peshëngritësi shqiptar merr tre medalje! Shpallet nënkampion Evrope në Poloni
1 Nëntor, 13:29 -
Walesa: Rusia do ta sulmonte Poloninë, e jo Ukrainën, po të mos ishte në NATO
26 Tetor, 19:15 -
Orban pretendon se Qeveria polake është instaluar nga BE-ja
25 Tetor, 14:46 -
Polonia do ta pezullojë përkohësisht të drejtën për azil
12 Tetor, 18:30 -
Gjenerali polak: Varshava duhet ta forcojë ushtrinë dhe ta përgatisë për luftë
5 Tetor, 22:35 -
Shtetet baltike dhe Polonia kërkojnë fonde nga BE-ja për mbrojte kufitare
28 Shtator, 17:14 -
Trafik kokaine nga Amerika Latine në BE e Itali! Baza në Shqipëri, grupi italo-kinez i pastroi 375 mln €! 61 të arrestuar, mes tyre 43 shqiptarë, 2 u kapën në Durrës (VIDEO+ EMRAT)
25 Shtator, 12:36 -
Kryeministri polak-qytetarëve: Nëse shihni ushtarë gjermanë, mos bëni panik, kanë ardhur për të na ndihmuar
19 Shtator, 13:26 -
Arrestohet në Poloni kampioni i botës në boks, Zelensky ndërhyn për lirimin e Oleksandr Usyk
18 Shtator, 22:34 -
I thuri lavde Berishës pasi ia shtroi me ‘raki e tortë’ kur e vizitoi në arrest shtëpie, arrestohet për korrupsion ish-eurodeputeti polak
14 Shtator, 16:10 -
Shqipëri - Poloni bashkëpunim për edukimin mediatik: Propaganda dhe dezinformimi rus përbëjnë kërcënim serioz
11 Shtator, 18:58 -
Polonia raporton për shkelje të hapësirës së saj ajrore pas sulmeve të Rusisë ndaj Ukrainës
26 Gusht, 16:26
