‘Të ndezim pasionin për futbollin’, Shakohoxha shpalos pikat për kreun e FSHF-së: Objektivi kryesor aktivizimi i fëmijëve

Dritan Shakohoxha, gazetari dhe komentatori i njohur sportiv, ka shpallur edhe zyrtarisht kandidaturën për kreun e FSHF-së. Shakohoxha, i cili si rival ka Armando Dukën 20 vjet në këtë post, ka publikuar edhe 5 pikat ku do të fokusohet.

“Të rindezim pasionin për futbollin!

Disa nga Objektivat:

Të kemi 30 mijë futbollistë nga 13 mijë që kemi sot.

Krijimi i Federatave Rajonale, jo më me funksionin e Shoqatave

Nga 8 Shoqata Rajonale, kalim në 11 Federata Rajonale. Vlora,Lushnja dhe Kavaja të jenë më vete.

Futbolli paguan 100 mijë euro në muaj qira për fushat e stërvitjes kosto 1,2 milion euro në vit që duhet të mos ekzistoj më për asnjë nga Akademitë.

Secili rajon do të ketë kompleks sportiv me 4 fusha si dhe me zyra të Federatës rajonale për të gjithë anëtarët e saj. Tirana, si Federata më e madhe rajonale i duhen 3 komplekse,”-shkruan Dritan Shakohoxha.

Ne.k./Shqiptarja.com