Të panjohurat e Lezhës! 10 udhërrëfyesit e parë gati për turistët

Turistët që vizitojnë Lezhën do ta kenë më të lehtë njohjen dhe eksplorimin e këtij rajoni me potencial të jashtëzakonshëm turistik. 10 udhërrëfyesit e parë janë certifikuar dhe ata janë të gatshëm për të shërbyer në sektorin e turizmit.

“Lezha ka një terren të përshtatshëm që mund të ketë zhvillim të madh në turizëm. Dëshira ime ka qenë që të hap një guidë turistike të veçantë”, tregoi Fatjon Vathi, udhërrëfyes turistik.

“Lezha ka shumë gjëra të bukura dhe të pa njohura për turistët. Turistët vijnë bëjnë plazh dhe ikin se nuk dinë shumë gjëra”, tha Gjon Çoku, udhërrëfyes turistik.

LEXO EDHE:
Lezhë/ Aksidenti i frikshëm në superstradë, përplasen 2 makina! Njëra përfundon në parkingun e lokalit e dëmton 8 të tjera

Kryebashkiaku i Lezhës Pjerin Ndreu thotë se udhërrëfyesit ishin domosdoshmëri, për t’u ardhur në ndihmë turistëve që të njohin dhe prekin nga afër gjithçka ofron kjo zonë.

“Udhërrëfyesit janë një hap më shumë për të orientuar të gjithë turistët e huaj që vijnë. Kjo histori duhet të vazhdoje për të rregulluar dhe problematika të tjera që si kemi në nivelet e duhura. Duke vazhduar me INFO-POINT. Do i porosisim për vitin tjetër dhe duhet të kemi përcaktuar çdo aset që kemi ne. Njerëzit janë të pa qartë se çfarë ofron Lezha. Lezha i ka të gjitha dhe ne duhet të gjejmë mënyrën ti gjejmë në sipërfaqe”, u shpreh kryebashkiaku i Lezhës, Pjerin Ndreu.

Mungesa e udhërrëfyesve ishte një mangësi për turizmin në Lezhë, duke bërë që turistët të largoheshin pa e njohur dhe eksploruar këtë rajon plotësisht

G.M./E.H/Shqiptarja.com

TAG:
• pjerin ndreu
• udherrefyes
• turizem
• Lezhe