Mbretëria e Bashkuar ka njoftuar për sanksione të reja që shënjestrojnë komandantë të lartë rusë dhe kompani e zyrtarë iranianë të përfshirë në prodhimin apo furnizimin e Moskës me dronë, që po përdoren në sulmet kundër infrastrukturës energjetike të Ukrainës.
Qeveria britanike tha se 12 komandantë të lartë të forcave ruse, përfshirë edhe njësite të përfshira në sulmet ndaj qyteteve ukrainase, janë sanksionuar. Në listën e sanksioneve është edhe gjeneralmajor Robert Baranov, i identifikuar nga grupi hulumtues Bellingcat si komandant i një njësie përgjegjëse për sulme ajrore.
Tre iranianë dhe një kompani iraniane po ashtu janë sanksionuar dhe janë subjekt i ngrirjes së aseteve, ndalimit të udhëtimeve dhe të transportit.
“Regjimi iranian është jashtëzakonisht i izoluar në mes të thirrjeve për ndryshim nga populli i vet dhe po arrin marrëveshje me presidentin rus, Vladimir Putin, në përpjekje të dëshpëruara për të mbijetuar”, tha sekretari i Jashtëm britanik, James Cleverly, përmes një deklarate.
“Putin dëshiron të thyejë shpirtin e Ukrainës, por nuk do t’ia dalë. Ukraina do të fitojë dhe Ukraina do të rindërtohet”, shtoi ai.
Cleverly iu referua trazirave në Iran për shkak të vdekjes së një gruaje të re në kohën kur ishte në paraburgim, nën pretendimet se kishte shkelur rregullat e veshjes së hixhabit, apo shamisë së kokës.
Zemërimi për vdekjen e Mahsa Amini, 22 vjeçe, ka nxitur protesta mbarëkombëtare, që paraqesin sfidën kryesore për udhëheqjen islamike, që kur ajo erdhi në pushtet pas Revolucionit Islamik të vitit 1979.
Në deklaratë u tha se në paketën e re të sanksioneve janë shënjestruar edhe persona që ndihmojnë në prodhimin e dronëve, përfshirë edhe bashkëthemeluesin dhe drejtorin menaxhues të MADO, kompanisë përgjegjëse për prodhimin e motorëve për dronë, që Rusia po i përdor në Ukrainë./REL
Komente
Lajme të tjera
-
Lufta në Ukrainë/ Kina ndihmë ushtarake për Moskën? SHBA po planifikon sanksione të reja! Pekini: Akuzat të pabaza
23 Prill, 10:41 -
Rusëve që janë kundër luftës nuk u njihet azili në Gjermani
22 Prill, 09:13 -
Lufta në Ukrainë/ Moska: Nëse Polonia pret armë bërthamore, do marrim masa! Alarmi i Zelensky: Rusët duan të pushtojnë Khasiv Yar deri më 9 maj
22 Prill, 08:38 -
Khamenei thotë se Irani demonstroi fuqinë e tij kundër Izraelit
21 Prill, 17:46 -
Lufta/ Ukraina: Moska do të intensifikojë sulmet përpara ndihmës së re të SHBA-së! WP: Sasia e parë e armatimeve mbërrin brenda një jave
21 Prill, 09:52 -
Sanksionet e reja të perëndimit dhe konflikti me Izraelin, a e përballon dot Irani ekonomikisht luftën?
21 Prill, 08:39 -
Kongresi amerikan miraton konfiskimin e aseteve ruse për Ukrainën! Basha: Përgëzime dhe mirënjohje ligjvënësve amerikanë
20 Prill, 22:23 -
SHBA miraton paketën e ndihmës, 60 miliardë dollarë për Ukrainën! Zelensky falënderon: Do shpëtojë mijëra jetë
20 Prill, 20:16 -
Spiralja e rrezikshme e përshkallëzimit
20 Prill, 11:58
-
Shefi i CIA-s: Ukraina mund të humbë pa ndihmën e SHBA
20 Prill, 08:47 -
Dronët ukrainas godasin Belgorodin, humbasin jetën dy civilë
20 Prill, 08:26 -
Këshilli NATO-Ukrainë takohet lidhur me sistemet ajrore për Kievin
19 Prill, 08:29
Ju plerat e perendimit nuk ju plas fare per Ukrainen apo popullin e saj , thjesh e shikoni nje mundesi per te goditur ekonomine e Rusise dhe te pastroni depot e armeve te vjeteruara per ti zevendesuar me te rejat deri ne ate moment do ta mbeshtetni ate vend pastaj do kerkoni nje zgjidhje diplomatike te cilen per momentin e ndaloni qe ju qr
Përgjigju