POP 5

Lajmet më të lexuara të 5 minutave të fundit

Kronikë

Të prekur me COVID-19, dy vëllezërit në Kamëz thyejnë karantinën dhe nisin sherr me armë! Arrestohen, u zbulohet arsenal municionesh

Dy vëllezër në Kamëz janë arrestuar pak ditë më parë pasi kanë thyer karantinën dhe janë përfshirë në një sherr duke qëlluar dhe me pistoletë. Ngjarja është shënuar në rrugën “Rilindja” në Kamëz, ndërsa policia ka zbuluar se të rinjtë jo vetëm kishin thyer karantinën por kishin edhe një arsenal municionesh në shtëpinë e gjyshërve ku rrinin të “izoluar”.

Personat e infektuar me Covid sipas ligjit duhet të qëndrojnë të izoluar për 14 ditë brenda banesës për të mos përhapur sëmundjen dhe kujdesur për shëndetin e tyre. Por e kundërta ka ndodhur në Kamëz, ku 31 vjeçari me iniciale E.M është prangosur nga policia jo vetëm se ka thyer karantinën por është përfshirë në një sherr dhe është kapur me armë pa leje.

Ngjarja është shënuar pak ditë më parë në Kamëz, ku mbrëmjen e 23 gushtit në rrugën “Rilindja” shtetasit E.M dhe M.M dy vëllezër janë përleshur fizikisht me K.B dhe A.B.

E.M i përfshirë në këtë konflikt ka nxjerrë armën duke qëlluar dhe pasi është larguar për tu fshehur arrestimi ka lënë në vendngjarje gëzhojat e kalibrit 7.65 mm. Ndërsa pak ditë më parë vëllai i tij M.M kishte lënë spitalin Covid 1 dhe së bashku qëndron në karantinë.

Kur policia ka trokitur në banesën e E.M prindit të tij kanë deklaruar se djali qëndron tek gjyshërit pasi po zbaton izolimin për shkak të simptomave Covid-19.

Sërish E.M nuk është gjetur as në banesën e gjyshërve por në dhomën ku ai jetonte është gjetur një arsenal municionesh si 11 fishekë automatiku, 2 fishekë pistolete, 1 fishek armë gjahu, 1 krehër pistolete bosh dhe një armë gjahu. Mëngjesin e 24 gushtit policia e Kamzës ka mundur të prangos E.M dhe M.M të përfshirë në këtë konflikt.

Pas arrestimit E.M ka pranuar autorësinë dhe faktin e qëllimit me pistoletë në ajër pasi sipas tij, ka qenë me të vëllanë M.M duke blerë ilaçe në një farmaci për shkak të temperaturës dhe kur po dilte ka parë se i vëllai po sulmohej nga A.B dhe K.B e ka nxjerrë armën duke qëlluar në ajër.

Prokuroria i ka proceduar tashmë penalisht dy vëllezërit dhe për E.M gjykata e Tiranës me kryesues gjyqtarin penal Sokol Pasho  ka caktuar arrest në burg dhe për M.M arrest në shtëpi, ndërsa ndaj tyre rëndojnë katër akuza: armëmbajtje pa leje, kanosje, mbajtje pa leje e armëve sportive, mos zbatimi i karantinës.

/B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • taljoni: 04/09/2020 18:01

    kur zbret katnarija ne qytet dynjane e ka mare lumi....kane ardhur shpellaret ne bathore e kamez e kudo e kesoj njgjarje kemi. prit kur te dalin qe te filloje dhe kanuni pastaj e nuk ka me shprese qe do behet ndonjehere qe te jetohet normal ne Tirane

    Përgjigju
  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

17 Nëntor, 22:58