POP 5

Lajmet më të lexuara të 5 minutave të fundit

Sociale

Të prekurit nga tërmeti, Tatimet: Dokumentet që duhen për të përfituar lehtësi fiskale

Dokumentet që duhen për të përfituar lehtësi fiskale për personat e prekur nga tërmeti.

Të prekurit nga tërmeti, Tatimet: Dokumentet që duhen për të përfituar lehtësi fiskale

Çdo tatimpagues që është prekur nga tërmeti i 26 nëntorit ku bizneset e tyre janë dëmtuar apo shkatërruar  dhe ndodhen në zonat e prekura nga fatkeqësia natyrore përfiton ulje të detyrimeve fiskale . për këtë ato duhet të regjistrohen në Drejtorinë  e Tatimeve me dokumentacionin përkatës, ku kërkohet lista me përshkrimin e detajuar të mallrave dhe aktiveve të dëmtuara apo shkatërruara, faturat e blerjes së mallrave të dëmtuara  dhe raporti nga organi kompetent përkatës për shkatërrimin e aktiveve afatgjata.

Njoftimi i Drejtorisë së Tatimeve 

Administrata Tatimore njofton të gjithë tatimpaguesit e prekur nga tërmeti i datës 26 Nëntor 2019 se, mbështetur në udhëzimin Nr.5, datë 30.01.2006 “Për tatimin mbi të ardhurat”, i ndryshuar, si dhe në udhëzimin Nr. 32, datë 31.12.2013 “Për tatimin e thjeshtuar mbi fitimin e biznesit të vogël”, i ndryshuar, do t'i njihen si të zbritshme shpenzimet për dëmet nga tërmeti.

Për të përfituar nga këto lehtësi fiskale, tatimpaguesit e prekur nga kjo fatkeqësi natyrore, duhet të paraqesin pranë Drejtorisë Rajonale Tatimore,

-Listën me përshkrimin e detajuar të mallrave dhe aktiveve të dëmtuara apo shkatërruara, përfshirë sasinë për çdo lloj;

-Faturat e blerjes së mallrave të dëmtuara apo dokumentacionin e aktiveve afatgjata të dëmtuara;

-Raportin nga organi kompetent përkatës për shkatërrimin e aktiveve afatgjata.

Konkretisht do të njihen si shpenzime të zdritshme vlera kontabël e mallrave si dhe vlera kontabël e mbetur e aktiveve, që janë dëmtuar/shkatërruar për shkak të fatkeqësive natyrore në zonat që sipas përkufizimit të dhënë në legjislacionin në fuqi për mbrojtjen civile janë shpallur “zona të fatkeqësisë natyrore”.

Të gjithë tatimpaguesit e prekur nga tërmeti, janë të lutur që brenda datës 10.03.2020, të paraqesin pranë Drejtorisë Rajonale Tatimore ku janë të regjistruar dokumentacionin si më sipër.

I.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kurbin/ Humb kontrollin e mjetit dhe del nga rruga, ndërron jetë 65- vjeçari

Kurbin/ Humb kontrollin e mjetit dhe del nga rruga, ndërron jetë 65- vjeçari

25 Dhjetor, 08:23