Të rinj nga i gjithë Ballkani, pjesë e forcave politike të majta, kanë përmbyllur në Tiranë modulin e këtij viti të Akademisë së Politikave Progresive në Ballkanin Perëndimor.
Në ceremoninë e shpërndarjes së certifikatave për të rinjtë pjesëmarrës së kësaj Akademie, kryetari i Bashkisë së Tiranës, Erion Veliaj u shpreh se forume të tilla janë një mundësi fantastike për të folur me të rinj aktivistë të partive të majta nga të 6 vendet e Ballkanit.
“Vitin tjetër Tirana do të jetë “Kryeqyteti Europian i Rinisë” me mbi një mijë aktivitete kulturore dhe sportive, por ka një hapësirë edhe për të rinj që janë të angazhuar në politikë. Unë besoj se “Ballkani i hapur” është një projekt edhe më i afërt, nëse edhe të rinjtë e kapin thelbin që tani. Nëse bashkëpunimi mes të rinjve të 6 vendeve fillon tani, atëherë kemi prodhuar një gjeneratë politikanësh të cilët nuk kanë nevojë të njihen kur të bëhen 40-50 vjeç.
Jam shumë entuziast për këtë nismë! I falenderoj shumë kolegët e Fondacionit “Qemal Stafa” dhe Fondacionit “Olof Palme”, miqtë tanë nga Suedia, sepse besoj se vetëm politikat progresive mund ta çojnë Ballkanin përpara. Politikat nacionaliste, të bazuara tek urrejtja, tek inati për tjetrin, te rikthimi dhe stër rikthimi i histories, pas janë të padobishme.
Nuk mund të kemi një gjeneratë tjetër që rritet me hesapet e së kaluarës, por duhet të kemi një gjeneratë që rritet me ëndrrat e të ardhmes dhe sot është një moment që si Ballkan të ëndërrojmë, por edhe të projektojmë të ardhmen tonë,” u shpreh kryebashkiaku Veliaj.
Ai gjithashtu nënvizoi faktin që vitin tjetër Tirana është Kryeqyteti Europian i Rinisë dhe kjo është një ftesë e hapur tha ai edhe për të rinjtë e angazhuar në politikë. Barazia gjinore, beteja e përbashkët globale për mjedisin, lufta kundër dezinformimit dhe lajmeve të rreme, bashkëpunimi rajonal dhe politikat sociale ishin disa nga temat e diskutuara me të rinjtë e Akademisë ProgWeb.
Lajme të tjera
-
Tiranë/ Operacion i Antidrogës, bien në pranga 2 persona! Sekuestrohen 3 kg lëndë narkotike
28 Nëntor, 11:47 -
LIVE-Parada e Shqiptarëve në Tiranë
28 Nëntor, 11:37 -
Shqipëria 112 vite e pavarur, Blinken: Marrëdhëniet tona të ngushta bazuar mbi vlerat demokratike që ndajmë! BE: Krah jush në çdo hap! Ambasada e SHBA: Festojmë me krenari me ju
28 Nëntor, 09:26 -
112 vjetori i Pavarësisë/ Albin Kurti në Vlorë krah krerëve të shtetit shqiptar në ceremoninë e ngritjes së Flamurit! Tirana pret paradën e shqiptarëve
28 Nëntor, 07:51 -
Tirana mikpret sot Paradën e Shqiptarëve, rrugët ku do të ketë ndalim qarkullimi e ku devijim i mjeteve
28 Nëntor, 07:10 -
Veliaj në pritjen zyrtare për 112-vjetorin e Pavarësisë: Sot Shqipëria dhe shqiptaria është në ditët e veta më të mira! Nuk kemi kohë për të humbur
27 Nëntor, 20:30 -
112-vjetori i Pavarësisë, Tirana vishet kuqezi! Nesër në bulevardin 'Dëshmorët e Kombit' parada e shqiptarëve nga të gjitha trevat (FOTO + VIDEO)
27 Nëntor, 20:09 -
FOTOLAJM/ Presidenca ‘vesh’ dekorin e festave, ndriçohet nga drita shumëngjyrëshe
27 Nëntor, 18:40 -
‘Drejtësi për Martinin!’ Marshim protestë për sigurinë, por pa bojkot në shkolla
27 Nëntor, 18:22 -
Mbledhja e Qeverisë, Vasilika Vjero largohet nga posti i zv/ministres së Financave pas katër vitesh
27 Nëntor, 18:05 -
Çlirimi i Shqipërisë, nxënës e veteranë mbjellin 80 pemë në varrezat e Dëshmorëve! Veliaj: Të qartë në vokacionin tonë Europian
27 Nëntor, 15:59 -
SPAK goditi organizatën kriminale të Suel Çelës, lihen në fuqi 20 masat e sigurisë, ndryshon vetëm për avokaten e grupit! Ja emrat e 4 të kërkuarve (VENDIMI)
27 Nëntor, 13:48
