POP 5

Lajmet më të lexuara të 5 minutave të fundit

Sociale

Lajme nga emisionet

Të shikosh përtej paragjykimeve/ ‘Më përjashtuan nga shkolla ndërsa babai nuk më fliste me gojë’, përjetimet e vajzave të mbuluara në shoqërinë shqiptare…(VIDEO)

Në një intervistë në emisionin “ Rreze Dielli” ishin të ftuara Luljeta Halimi dhe Edlira Durmishaj, dy vajza të cilat prej vitesh kanë vendosur të praktikojnë vendosjen e mbulesës si pjesë e besimit të tyre. Mirëpo kjo zgjedhje e tyre është ndeshur jo pak herë me paragjykime dhe situate të pakëndshme duke filluar nga vet familja e tyre e më pas edhe nga shoqëria.

TIRANË- Në Shqipëri, mbase më të paragjykuarat janë ndjerë gratë e komunitetit mysliman që zgjedhin të mbulohen me petkun e besimit. Por sa i ka pranuar shoqëria shqiptare këto gra dhe vajza që praktikojnë fenë islame dhe zgjedhin të mbulohen? Në një intervistë në emisionin “ Rreze Dielli” ishin të ftuara Luljeta Halimi dhe Edlira Durmishaj, dy vajza të cilat prej vitesh kanë vendosur të praktikojnë vendosjen e mbulesës si pjesë e besimit të tyre. Mirëpo kjo zgjedhje e tyre është ndeshur jo pak herë me paragjykime dhe situata të pakëndshme duke filluar nga vet familja e tyre e më pas edhe nga shoqëria:

"Me tim atë asokohe kam pasur kontraditë goxha të fortë, besoj se në përgjithësi vajzat e atyre viteve i kanë pasur goxha të forta kontraditat megjithatë me durim dhe vullnet gjithcka kalohet" u shpreh Edlira Durmishaj e cila është edhe psikologe klinike në profesion.

Ndërsa Luljeta Halimi tha se edhe ajo ka hasur shumë vështirësi në pranimin e vendimit të saj nga ana e babait:

"Unë jam mbuluar 18 vjec, isha në fillim të një rrugëtimi shumë të rëndësishëm që është viti parë në universitet, domethënë akoma nuk e kisha vendosur degën se cfarë do të zgjidhja. Kisha dy vendime të rëndësishme se cfarë do të studioja dhe vendimin e mbulesës dhe gjithë kohën mendoja se cfarë do të zgjedh që të më përshtatet profesioni edhe me mbulesën. Babi nuk ka qenë dakord në momentin që unë jam mbuluar nuk e ka pritur fare mirë, nuk më ka folur me gojë domethënë kanë qënë disa situate pak të sikleteshme” u shpreh ajo.

Historia na tregon që në periudha të ndryshme në vendin tonë feja dhe besimi janë ndeshur me masa të rrepta ndëshkueshmërie, në vitet 1990-2000 në Shqipëri praktikimi i rregullave fetare nga ana e vajzave dhe grave që kishin përqafuar besimin Islam ishte mjaft i vështirë, ndëshkimet për mbajtjen e shamisë ishin përjashtimi i tyre nga shkolla dhe jo vetëm:

“Mua më ndodhi asokohe që edhe më përjashtuan nga shkolla, I shikoja tensionet  diskutimet por thoja s'ka problem do t’i përballojë, bëja sikur nuk i  kuptoja, sikur nuk i dëgjoja, Atë kohë që më hoqën nga shkolla, im atë erdhi deri në Tiranë për të takuar Kryetarin e parlamentit të asaj kohe dhe merr një shkresë ku i drejtohej shkollës që thotë se ajo është një shkelje përjashtimi vajzës dhe unë u riktheva në shkollë me shumë krenari. Problemi u theksua kur pas një viti ndodh e njëjta situatë, ishin 3-4 studente këtu në Tiranë që në mënyrë demonstrative u përjashtuan njëkohësisht të gjitha. Ky vendim u mor nga ministria e arsimit dhe u bë e madhe për të gjithë” u shpreh Edlira Durmishaj, praktikante fesë Islame në Shqipëri, duke folur për paragjykimet që e kanë përndjekur për vendimin e saj.

Ndërsa për Luljetën nuk ka qenë aspak problem për t'u pranuar nga shoqet e saj të cilat nuk janë praktikante të fesë Islame: 

“Nuk e shohin në asnjë moment si problem dhe kur më njohin nga afër e kuptojnë dhe më thojnë sa ndryshe që je, nga c’dukesh nga impakti parë.

Megjithatë ajo shprehet se në pjesën e punësimit, situata vazhdon të jetë problematike për vajzat me shami.

D.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Elona: 19/10/2023 18:57

    Teme shume e bukur dhe i pergezoj vajzat per vendimin e tyre, padyshim qe vajzat e mbuluara sot po i shohim kudo ne shoqeri, ne pozicione lidershipi dhe mjaft te sukseshme. Ju lumte !

    Përgjigju
  • Iris: 10/02/2021 01:40

    Besimi ,per ata qe besojne vertet,nuk eshte as ne hixhap,as ne mjeker,por ne zemer.

    Përgjigju
  • Çarli: 09/02/2021 22:28

    Po pra kohë e humbur e Moderatores dhe emisjon pa kuptim ,sa shumë gjëra të tjera ka për t'u dëgjuar??!!

    Përgjigju
  • Toni: 09/02/2021 21:05

    Nuk e kuptoj këmbënguljen e kanaleve për të vendosur në piedestal injorancën njerëzore...

    Përgjigju
  • Moda: 09/02/2021 17:34

    Po ç'janë këto Sjellje prapanike,ka ikur koha e Sllaverise..,zgjohuni?!!

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Norvegji, autobusi me 60 pasagjerë del nga rruga dhe përfundon në liqen! 3 të vdekur

Norvegji, autobusi me 60 pasagjerë del nga rruga dhe përfundon në liqen! 3 të vdekur

26 Dhjetor, 16:28