Pas konfliktit në zyrë, qëllohet me 3 plumba për shkak të detyrës kreu i Njësisë Kallmet në Lezhë! Arrestohet autori, edhe ai i plagosur! E paqartë nëse ka pasur shkëmbim zjarri (VIDEO)

LEZHË-Kreu i Njësisë Administrative në Kallmet në Lezhës, Besnik Simoni është qëlluar 3 herë me armë zjarri nga Altin Marku. Ngjarja ka ndodhur në orën 13.00, ku Simoni dhe Marku fillimisht janë konfliktuar në zyrë dhe disa orë më pas Marku i ka bërë pritë në mes të rrugës funksionarit lokale duke e qëlluar disa herë brenda makinës me të cilën udhëtonte! Tre plumba ka marrë Besnik Simoni në shpatull e zonën e barkut, ndërsa një person i dytë që ndodhej në makinë bashkë me të ka shpëtuar pa lëndime! Ky u fundit e mori të plagosurin dhe e dërgoj me urgjence në Spitalin rajonal të Lezhës e më pas drejt spitalit të Traumës në Tiranë. Sipas burimeve ai ndodhet nën kujdesin e bluzave të bardha dhe ka kaluar rrezikun për jetën.

4 orë pas plagosjes me armë zjarri të kreut të Njesisë Administrative Kallmet, Besnik Simoni, policia ka arritur të neutralizojë dhe prangosë autorin e dyshuar. Altin Marku  u kap në banesën e një të afërmi të tij në fshatin Kallmet, ndërsa policia gjeti dhe sekuestroi dhe armën e krimit. Gjatë arrestimit mësohet se edhe autori ishte i plagosur me armë zjarri në pjesën e krahut dhe po dërgohet te Trauma në Tiranë. Mbeten e paqarte nëse është vetëplagosur apo ka patur shkëmbim zjarri mes tij dhe Simonit.

Në deklarimet e para, ai ka thënë se kishte mbeti i plagosur në ngjarje, duke thënë se kreu i Njësisë Administrative të Kallmetit Besnik Simoni ka qenë i pari që ka qëlluar me armë zjarri e më pas ky i është përgjigjur. Po deklarimet e tij nuk i kanë bindur hetuesit dhe po vijojnë hetimet për zbardhjen e rrethanave të asaj çfarë ka ndodhur.

Aktualisht policia bën me dije se ka sekuestruar vetëm armën që ka përdorur autori dhe nuk dihen nëse në vendin e ngjarjes është përdorur armë tjetër apo jo.

Në lidhje me ngjarjen kanë nisur hetimet, ndërsa  motivet e konfliktit janë ende të paqarta. Grupi hetimor është përqendruar në dy pista, e para plagosje për shkak të detyrës dhe e dyta një konflikt i mbartur prej një viti për motive politike, qe e ka zanafillën në fushatën elektorale për zgjedhjet e 25-prillit. Besnik Simoni është përfaqësues i Partisë Socialiste dhe mban detyrën e kreut të Njësisë Administrative të Kallmetit, që prej gushtit të vitit 2019-të, kohë kur drejtimin e Bashkisë Lezhë e mori Pjerin Ndreu.

Besnik Simoni dhe Altin Marku

Rendit zhvillimet sipas orarit:

Të Fundit Të Parat

K.T.//Shqiptarja.com

TAG:
• Altin Marku
• Lezhe
• besnik simoni