KORÇË-Të shtëna me armë zjarri ka pasur paraditen e sotme rreth orës 10:20 në Korçë. Autori i identifikuar si Edmond Naska ka qëlluar 3 herë me armë në lagjen nr.16 të qytetit. 71-vjeçari ka qëlluar nga ballkoni i banesës që ndodhet në katin e parë.
Fatmirësisht nuk pati njerëz të lënduar. Menjëherë në vendngjarje mbërritën forcat e policisë. Mirëpo 71 vjeçari nuk pranoi të dorëzohej. Policia kërkoi përforcime dhe në vendngjarje mbërritën forcat RENEA. Pas 2 orësh rezistencë, Edmond Naska u neutralizua dhe u vu në pranga nga RENEA-t, për tu shoqëruar.
Report Tv sjell pamjet, dorëzohet 71 vjeçari! Momenti kur RENEA futet në banesën e të moshuarit të armatosur
Pas afro dy orësh rezistencë Edmond Naska neutralizohet nga RENEA. Nga pamjet e siguruara për Report Tv duket se në momentin e ndërhyrjes nuk ka reaguar për të kundërshtuar efektivët e speciales. Autori është me pranga në duar dhe po shoqërohet nga këta të fundit.
Janë thyer xhamat e ballkonit, që ekipi i speciales të hyj në brendësi për të ndaluar 71-vjeçarin. Nuk raportohen probleme, aktualisht ai po shoqërohet në spital, për kontrolle, por nuk është i dëmtuar.
RENEA blindon Korçën pas të shtënave me armë, rrethon banesën e të moshuarit me snajper
Forcat RENEA kanë mbërritur në Korçë. Në pamjet e siguruara për Report Tv, RENEA kanë rrethuar banesën e të moshuarit. Ndërkohë që kanë vendosur snajper lart në një prej pallateve të zonës.
Se mbajne hic vapen korcaret. Ikin nga mendorjaaa
Përgjigju