Lezha është tronditur nga një atentat me armë zjarri. Vritet 40 vjeçari Entjan Nikulaj, (Eno) djali i xhaxhait të Ardjan Nikulajt i cili u ekzekutua më 19 prill të këtij viti në lokalin e tij në Shëngjin.
Ngjarja e rëndë u shënua rreth orës 21:30 minuta të së shtunës ( 2 dhjetor 2023) në dalje të qytetit të Lezhës, përballë ujësjellësit.
“Rreth orës 21:30, në aksin rrugor “Lezhë-Shkodër”, në vendin e quajtur “Ura e trenit”, në rrethana ende të paqarta, është qëlluar me armë zjarri në drejtim të automjetit që drejtohej nga shtetasi E. N., 40 vjeç, banues në Shëngjin” informoi mbrëmjen e sotme policia e Lezhës.
Atentatorët nga një makinë tjetër kanë qëlluar me breshëri kallashnikovi ndaj fuoristradës së bardhë ML të Entjan Nikulaj. 40 vjeçari është transportuar në gjendje shumë të rëndë, në spitalin e Lezhës, për ndihmë mjekësore ku dhe ka ndërruar jetë, mëson Report Tv.
Report Tv mëson se autorët janë larguar me BMW me ngjyrë gri e cila rezulton të jetë me targa të vjedhura në Tiranë. Vetëm disa minuta pas vrasjes makina është gjetur në flakë në Rinas, brenda saj edhe edhe arma e krimit kallashinikov e përdorur në atentatin e kësaj të shtune. Për këtë ngjarje është ngritur menjëherë një grup i posaçëm hetimor, si dhe janë ngritur pika kontrolli në të gjitha akset rrugore.
Vrasja ndodhi gati 7 muaj pasi biznesmeni Ardian Nikuaj u ekzekutua në lokalin e tij në Shëngjin më 19 prill të këtij viti. Biznesmeni u vra si pasojë e hasmërisë 26-vjeçare mes fisit Lekstakaj dhe Nikulaj. Nisur nga historiku i vrasjeve mes dy fiseve një pistë që dyshohet se ka sjellë ekzekutimin e Entjan Nikulajt është gjakmarrja.
Vrasja e Ardian Nikulajt
Mesditën e 19 prillit, biznesmeni Ardian Nikulaj u qëllua me 7 plumba teksa ishte ulur në lokalin e tij, ndërsa eklzekutori u largua me motor. Sipas prokurorisë Edmond Haxhia ishte porositësi dhe organizatori i atentatit ndaj biznesmnit Nikulaj, për hakmarrje.
Katër personat që u kapën dhe u arrestuan në Britani, pasi u shpallën në kërkim në Shqipëri janë Steven Hunt, 49 vjeç, Thomas Mithan, 35 vjeç, të dy nga Bristol, Edmond Haxhia, 37 vjeç, nga Birmingham, si dhe 27-vjeçarja Harriet Bridgeman nga Bristol. Ata kishin mbërritur në Shqipëri si turistë por në fakt kanë bërë rolin e vëzhguesit të biznesmenit duke informuar autorin deri në goditjen finale. Një prej tyre Stiven Hunt ka qëndruar për disa ditë edhe në hotelin “Coral” në pronësi të Nikulajt, ku mendohet se ka arritur të depërtojë edhe në sistemin e kamerave të sigurisë duke i dhënë grupit mundësinë të vëzhgojë në kohë reale lëvizjet e biznesmenit.
Ndiqni zhvillimin për detaje të tjera dhe informacionin e fundit
Shënim: Raportuan për ngjarjen gazetarët: Elvis Hila dhe Sokol Dema
Foto: Entjan Nikulaj
Report Tv siguron foton e 40 vjeçarit Eno Nikulaj që u ekzekutua në një atentat mafioz këtë mbrëmje. 40-vjeçarit i bënë pritë në dalje të Lezhës, ndërsa autorët u larguan në drejtim të paditur duke djegur makinën pranë Rinasit.
Foto: Makina ML ku u ekzekutua Eno Nikulaj
Përmes një informacioni shtesë të mbërritur në orën 22:44 minuta (2 dhjetor 2023) Policia e Lezhës konfirmon se 40 vjeçari Eno Nikulaj ka ndërruar jetë në spitalin e këtij qyteti.
Në vijim të informacionit paraprak të dhënë pak më parë, për ngjarjen e ndodhur në aksin rrugor Lezhë-Shkodër, ku mbeti i plagosur rëndë me armë zjarri shtetasi E. N., ju informojmë se:
Ky shtetas, si pasojë e plagëve të marra, pavarësisht ndihmës dhe trajtimit të menjëhershëm mjekësor, ka ndërruar jetë në Spitalin Rajonal të Lezhës’ thuhet në informacionin shtesë të policisë së Lezhës.
Një makinë është djegur pranë Rinasit, disa minuta pas vrasjes së Eno Nikulajt në dalje të qytetit të Lezhës. Makina raportohet se është e autorëve, ndërsa brenda saj është gjetur kallashnikovi me të cilin dyshohet se është qëlluar Nikulaj.
Me një BMW ngjyrë gri janë larguar autorët e atentatit të Eno Nikulajt i cili mbeti i vrarë me breshëri plumbash këtë mbrëmje në dalje të Lezhës. Makina rezulton me targa AB138HT të vjedhura me 23 nëntor në Tiranë.
Foto: Policia në fuoristradën e Eno Nikulajt, 40 vjeçarit të cilit iu bë atentat në hyrje të Lezhës, 2 dhjetor 2023
Eno Nikulaj të cilit iu bë atentat këtë mbrëmje ishte duke lëvizur me mjetin tip ‘Fouristradë’ në hyrje të qytetit të Lezhës, kur u qëllua me breshëri plumbash nga autorët të cilët ishin në një makinë tjetër.
Report Tv sjell pamjet e para nga vendi ku u vra Eno Nikulaj djali i xhaxhait të Ardjan Nikulajt.
Ai u ekzekutua me breshëri kallashi pranë Portës së Ujësjellësit të Lezhës teksa po lëvizte me makinë për të shkuar drejt shtëpisë së tij në Shëngjin.
Foto: Makina e Eno Nikulajt, 40 vjeçarit të cilit iu bë atentat në hyrje të Lezhës, 2 dhjetor 2023
Eno Nikulaj i cili u vra këtë mbrëmje, është qëlluar me breshëri kallashi te porta e Ujësjellësit të Lezhës duke gjetur më pas vdekjen.
Foto: Makina e Eno Nikulajt, 40 vjeçarit të cilit iu bë atentat në hyrje të Lezhës, 2 dhjetor 2023
Eno Nikulaj ka mbetur i vrarë me armë zjarri mbrëmjen e sotme në Lezhë. Ai është djali i xhaxhait të Ardian Nikulajt që u ekzekutua më 19 prill të këtij viti në lokalin e tij në Shëngjin.
Komente
Lajme të tjera
-
Këngëtarja e muzikës popullore, Liri Rasha ndez sallën, me koncertin recital në Lezhë
2 Maj, 13:46 -
VIDEO/ Aksidenti në Kurbin me 2 të vdekur, momenti kur traktori ra në kanal, zuri poshtë shoferin 60 vjeç e punëtorin e tij 21 vjeçar
1 Maj, 16:45 -
Lejuan Gëzim Çelën të ndërtojë pa leje, drejtori i IMT Kurbin mbetet në burg! Gjykata lë në fuqi pezullimin e inspektorëve
1 Maj, 12:40 -
Operacioni 'Flakë në det', SPAK arrestohen edhe 3 pjesëtarë të grupit të Gëzim Çelës, në kërkim mbetet ‘Kapelja’ (EMRAT)
1 Maj, 10:09
-
Vrasja e Aureljo Dervishit në Tiranë, Gjykata e Apelit lë në burg 4 të arrestuarit
30 Prill, 13:03 -
Sekuestrohet prona e 'baronit të drogës' në lagunën e Patokut! Ndërtesa pa leje e Gëzim Çelës çon pas hekurave zyrtarët e IMT-së
30 Prill, 11:01 -
Momenti horror kur vrasësit qëllojnë për vdekje ish-missin e Ekuadorit
30 Prill, 10:12 -
Vranë bashkëmoshatarin e tyre në Gramsh, Gjykata e Elbasanit jep dënimin për 4 adoleshentët! 46 vite burg në total
29 Prill, 18:40
-
I doli emri në përgjimet e dosjes kriminale, ekzekutohet ish-Missi në Ekuador
29 Prill, 12:02 -
Ndërtimet pa leje në Patok, arrestohet drejtori i IMT në Kurbin, pezullohen inspektorët! Arrest shtëpie ish-kryeinspektorit të IKMT Lezhë (Emrat)
29 Prill, 11:00 -
FOTO/ Kush është shqiptari që vrau pronarin serb të një lokali në Gjermani! Pas sherrit e qëlloi me armë
29 Prill, 10:26 -
Shqiptari qëllon për vdekje pronarin e një restoranti në Gjermani, vihet në pranga
28 Prill, 21:56
E tash do vritet prap naj hallexhi qe punon per cope te bukes kinse morem gjakun e kshtu do shkoje kjo pune
PërgjigjuKronistët fillojnë me vrasjen e Nikulajt në Shëngjin por harrojnë të përmendin vrasjen më vonë të Lekstakajt në Balldre, në hyrje të marketit.
PërgjigjuSe per c'fare arsyeje askush nuk thote gje..
PërgjigjuBiznes familjar
PërgjigjuNuk duken dhe aq /ne drejtim te paditur/.Targat jane vjedhur ne Tirane dhe makina eshte braktisur ne Rinas,po afer Tiranes.Vrasesit duhet te jene /patriote/ te shperngulur ne Tirane! Fillojeni me kamerat qe mund te kene kapur vjedhesin e targave.
PërgjigjuEh shteti ..munges e madhe e shtetit
PërgjigjuCfar duhet te boj shteti: ti vej polic cdo njeriu qe ka bo lek me pislliqe dhe ndihen te fort? Gjith keta qe vriten e kan bo dicka se kot nuk te vret njeri
Ca te bej shteti keta kane filluar te vrasin njeri tjetrin para 25 vjetesh, ca te bej shteti te vej police cdo 100 metra.
Siç thoshte edhe xhepisti gjate: kokat hengshin
PërgjigjuPuna eshte se mund ta haje plumbin edhe kalimtari i castit or teeeejjjjj
paskan ba lek boll Palajt ne Angli
PërgjigjuTi o tata qenke rrk komplet . Kush jan palajt thot e ca hyn ne ket histori ! A jeton ket bot apo erdhe itash
Mund te na thuash kush jan keta Palaj e cfar hyjn ne kete histori?
Lek me thase