Terror në Francë, ekzekutohet pengmarrësi pas 4 orësh, 2 të vdekur

Pas më shumë se katër orësh ka marrë fund pengmarrja në një supermarket në qytetin jugor të Tebes në Francë, ku një person i armatosur vrau 2 persona dhe plagosi tre të tjerë. Sipas asaj që raportojnë mediat franceze, autori i pengmarrjes i cili është ekzekutuar nga forcat speciale të policisë franceze, ishte një anëtar i organizatës terroriste të ISIS.

Autoritetet franceze deklaruan se ishin duke e trajtuar pengmarrjen si një akt terrorist. Ndërkohë për ngjarjen ka reaguar edhe presidenti Francez, Emanuele Marcon i cili është shprehur gjatë një konference për shtyp se gjithçka të çonte të besoje se sulmi ishte një akt terrorist.

Ndërkohë mediat raportojnë se autori i pengmarrjes, i cili ishte me origjinë marokene, kishte kërkuar lirimin e Salah Abdeslam, një nga autorët e sulmit terrorist të 13 nëntorit të 2015 në Paris, ku humbën jetën 130 persona.

LEXO EDHE:
Muzhaqi në OKB: Shqipëria promovon barazinë gjinore, gjithë përfshirjen e aksesin në shërbime

France24 ka raportuar se autori i pengmarrjes është një azilant nga Maroku. Që prej vitit 2015, në Francë janë zhvilluar disa sulme terroriste, ku ai që pati më shumë humbje jetësh ishte sulmi i Parisit, me 130 viktima dhe qindra të tjerë të plagosur.

Sondazhi i ditës:

A duhet prokurorëve të SPAK-ut t'u jepet e drejta e rikandidimit?

• Po

  63%

• Jo

  29.6%

• Nuk e di

  7.3%

Vota total: 1104

• Sondazhi i ditës:

  A duhet prokurorëve të SPAK-ut t'u jepet e drejta e rikandidimit?

  Po Jo Nuk e di