PUKË- Krisma armësh pas mesnate në dalje të qytetit të Pukës, morën nuanca politike në javën e tretë të fushatës elektorale për zgjedhjet vendore të 14 majit. Policia arriti të identifikojë autorin, Klaudio Prendi, 26-vjeçar nga Puka dhe me banim në Tiranë, i cili u shpall në kërkim.
Kryebashkiaku socialist, Gjon Gjonaj, i cili kërkon një mandat të tretë në garën e 14 majit, ishte i pari që i dha kthesë politike incidentit. Sipas tij, rivali politik, Rrok Dodaj, kandidati i koalicionit “Bashkë Fitojmë”, ka paguar njerëz me precedentë penalë, që të kërcënojnë socialistët.
“Pasi kanë kërcënuar mbështetës të Partisë Socialiste duke ju drejtuar dhe armën, në largim e sipër, nga automjeti me të cilin ata lëviznin është qëlluar në ajër. Ta harrojë Rroku që mendon se mund të marrë bashkinë nën presionin e armëve, dhe as njerëzit me precedent që ai ka sjellë me pagesë në Pukë. Një lutje të sinqertë bëj për të gjithë mbështetësit tanë” të shmangin provokimet e sojit të këtyre që mendojnë se Puka voton nën kërcënimin e armëve të mercenarëve, të cilët kanë zbarkuar nga qytete të tjera me qëllim frikësimi”, tha Gjon Gjonaj, Kandidat i PS, Bashkia Pukë.
I ashpër në përgjigje, Rrok Dodaj, kandidat i dyshes Berisha-Meta thotë se është Gjon Gjonaj ai që rrethohet nga kriminelë për t’i bërë presion qytetarëve për votën.
“Ngjarja ka vetëm një autor, Gjon Gjonajn, dhe një bashkëpunëtor, shefin e Komisariatit të Policisë Pukë, i cili është i angazhuar publikisht në fushatën e kreut të bashkisë. Killera me pagesë që vërtiten të armatosur rrugëve të qytetit, kanë tentuar të intimidojmë qytetarë të lirë dhe mbështetës të opozitës. Uragani i mbështetjes sonë qytetare, ka zgjuar instiktet kriminale të kreut aktual të bashkisë, i cili në çdo fushatë mbledh garnizone paramilitare dhe i përdor për kërcënime votuesish”, tha ai.
Sipas policisë, autori i dyshuar i shpallur në kërkim, ka qëlluar me armë në ajër, dhe është identifikuar edhe automjeti nga i cili ai ka shtënë duke qenë në lëvizje. Bëhet fjalë për një makinë luksoze dhe mjaft të shtrenjtë, “Maserati”. I riu që blutë po kërkojnë, Klaudio Prendi, është djali i gjyqtarit Fran Prendi, i cili ka dhënë dorëheqjen para vettingut, pa u vënë në filtër për pasurinë, integritetin profesional dhe pastërtinë e figurës.
Pasi socialistët e akuzuan se ka gisht në të shtënat e armë në punë, ka ardhur edhe reagimi i kandidatit të koalicionit “Bashkë Fitojmë”, Rrok Dodaj. Ai jo vetëm e ka mohuar, por edhe i është përgjigjur me një kundër akuzë, duke i bërë vetë socialistët fajtor për këtë ngjarje. Sipas tij, PS dhe “vrasës me pagesë” po intimidojnë mbështetësit e opozitës.
“Sa më shumë i afrohemi 14 majit, banda që ka drejtuar pushtetin vendor prej 8 vitesh, me në krye narkotrafikantin Gjon Gjonaj, përmes grupeve të armatosura, të cilat i strehon në Hotel Turizëm Puka, synon të ushtrojë presion dhe shantazh mbi banorët pukjan. Të frymëzuar nga etërit e tyre politikë, që pushteti mbahet me grykën e pushkës, natën e mbrëmshme, killera me pagesë që vërtiten të armatosur rrugëve të qytetit, duke i bërë karshillëk policisë së shtetit, kanë tentuar të intimidojmë qytetarë të lirë dhe mbështetës të opozitës.
Prej kohësh, u kemi bërë thirrje qytetarëve të jenë të kujdesshëm, të mos bien "pre" e ngordhësirës që është në grahmat e fundit, pasi kjo qënie ligë, po përdor çdo mjet për t'u grabitur qytetarëve të drejtën e lirisë së votës. Situata është tragjikomike, kur klithmave të tij për agresion, u përgjigjet në harmoni të plotë edhe shefi i Komisariatit të Policisë Pukë, i cili ngjarjen e referon në unison me deklaratën e shtabit elektoral të PS. Dua t'i bëj thirrje strukturave të policisë së shtetit, shefit të Komisariatit Pukë, të mos shfrytëzojnë pozitën e tyre, të mos bëjnë pis ngjyrën e uniformës, duke u shndërruar në militantë politikë, por të jenë në lartësinë e përgjegjësisë dhe detyrës që u ngarkon ligji.
Të nderuar qytetarë!Vullneti i lirë i juaji, përtej përpjekjeve të bandës së Gjon Gjonajt dhe individëve me precedentë penal, që i ka mbledhur rreth vetes në përpjekjen për të ushtruar presion mbi ju, do do të lexohet saktë dhe askush s'do guxojë t'a devijojë për llogari të askujt. Uragani i mbështetjes sonë qytetare, ka zgjuar instiktet kriminale të kreut aktual të bashkisë, i cili në çdo fushatë mbledh garnizone paramilitare dhe i përdor për kërcënime votuesish.
Aanjë lëkundje në misionin tonë, më 14 maj largojmë bandën nga uzurpimi i bashkisë dhe i rikthejmë instirucionin qytetarëve. Ngjarja e mbrëmshme ka vetëm një autor, Gjon Gjonajn, cili do mbahet mend gjatë për prishjen e traditave dhe vlerave të bashkëjetesës sonë qytetare dhe një bashkëpunëtor,shefin e Komisariatit të Policisë Pukë, i cili është i angazhuar publikisht në fushatën e kreut të bashkisë.
Duke e dënuar ashpërsisht incidentin, apeloj kamikazin politik, Fiqiri Dani, të qëndrojë larg veprimeve me karakter shantazhues, pasi asgjë nuk i shpëton syrit dhe monitorimit tonë! Puka dhe pukjanët duan ndryshimin! Ndryshimi do vijë përmes votës së lirë dhe askush s'do guxojë ta prekë shenjtërinë e saj! Zoti bekoftë Pukën dhe pukjanët”, tha Dodaj.
Klaudio Prendi është autori i të shtënave me armë në Pukë. Mësohet se ai është djali i ish-gjyqtarit Fran Prendi, i cili u dorëhoq pasi filloi Vetingu, por që njëherësh është krahu i djathtë i kandidatit të koalicionit Berisha-Meta, Rrok Dodaj. Kjo shton dyshimet se ngjarja ka ndodhur për motive politike.
Policia ka njoftuar se ka identifikuar autorin dhe e ka shpallur në kërkim. Mësohet se bëhet fjalë një 26-vjeçarin, Klaudio Prendi i cili rreth orës 00:20, në dalje të qytetit të Pukës në aksin rrugor Pukë - Fushë-Arrëz ka qëlluar me armë në ajër. Në njoftimin e Policisë, nuk specifikohet se ngjarja ka motive politike.
“Qëlloi në mesnatë, me armë zjarri në ajër nga automjeti, Policia identifikon dhe shpall në kërkim autorin. Vijon puna intensive për kapjen e 26-vjeçarit. Shërbimet e Komisariatit të Policisë Pukë, me marrjen e njoftimit, në mesnatë, rreth orës 00:20, se në dalje të qytetit të Pukës në aksin rrugor Pukë - Fushë-Arrëz, ishin dëgjuar të shtëna me armë, menjëherë kanë shkuar në vendngjarje dhe kanë organizuar punën, ku falë veprimeve të shpejta kanë bërë të mundur identifikimin e shtetasit, i cili ka qëlluar me armë zjarri, në ajër. Si rezultat i veprimeve të shpejta të shërbimeve të policisë bazuar dhe në inteligjencën informative, u bë e mundur identifikimi i autorit të dyshuar të kësaj ngjarje dhe shpallja në kërkim e shtetasit K. P., 26 vjeç, banues në Tiranë. Vijon puna intensive për kapjen e tij dhe vënien përpara përgjegjësisë ligjore. Gjithashtu u bë identifikimi dhe shpallja në kërkim dhe e automjetit nga i cili ky shtetas ka qëlluar në ajër, duke qenë në lëvizje. Nën drejtimin e Prokurorisë vijon puna për sqarimin e plotë të rrethanave të kësaj ngjarje. Materialet iu referuan Prokurorisë, për veprime të mëtejshme”, thuhet në njoftim.
Komente
Lajme të tjera
-
Atentati në Shkodër/ Makina e djegur e autorëve u vodh në prill në Durrës! Dyshime se Ibrahim Lici u plagos! Kontrolli në klinika private pa rezultat
4 Nëntor, 11:16
-
Masakra në Shkodër dhe vizita në Selanik, Berisha akuza Ramës nga ballkoni: Viktima të krimit të mafias shtetërore, të licencuara për mandatin e tij!
3 Nëntor, 19:44 -
Mbyllet edicioni i 9-të i festivalit ‘Luleborë’ në Shkodër, fituesja Ana Bushgjokaj: Dhimbjen e humbjes e ktheva në këtë këngë
3 Nëntor, 17:21
-
‘Veri Jug’/ Në Reç, mes gështenjave! Rënia e prodhimit dhe sfida e mbajtjes së traditës gjallë! Agronomi: Nga 500 tonë, sot prodhojmë 100 tonë
3 Nëntor, 14:14
-
Shkodër/ Makina përplas motorin ku po udhëtonin dy 14-vjeçarë, të miturit transportohen në spital
3 Nëntor, 12:24 -
Atentati në Shkodër, shkon në 4 numri i viktimave! Vdes në spital edhe 67 vjeçari! Me gruan në motor, të pafajshmit u përplasën nga makina e Hamza Licit
3 Nëntor, 09:23 -
Makina e vrasjes së 3-fishtë në Shkodër, e vjedhur në Durrës
2 Nëntor, 21:29 -
Mosbindje civile apo provokim: Çfarë ishte 'marshimi' i PD në Shkodër?
2 Nëntor, 18:25
-
Masakra në Shkodër/ Policia në kërkim të "gjurmëve" të "Range Roverit" të autorëve! Në kërkim 2 nga grupi i Bajrave
2 Nëntor, 15:28
-
PD në Shkodër marshim protestë: Qytetërimi asht ma i fortë se krimi! Po na vrasin, duhet reagim! Kërkojnë lirimin e Berishës e qeveri teknike! (FOTO+VIDEO)
2 Nëntor, 12:10 -
Atentati me 3 viktima në Shkodër, në kërkim policor disa anëtarë të grupit të Bajrave, mes tyre Sakicaj e Troshani
2 Nëntor, 10:59
-
Shkodër, dogjën makinat që përdorte agjenti i krimeve arrestohen vëllezërit, identifikohet dhe shpallet në kërkim porositësi! Shikoni VIDEON
2 Nëntor, 10:41
Hahaha kto akoma vriten per partin,këto qe bejn kështu pislleqesh jane fëmijët e te korruptuarve e gjakpirsve e hajduteve e arroganteve e matrapazeve qe kane sunduar Puken per 32 vite si te majte e si te djathte,këto felliqesira drejtusish mendojn veq per vete e per xhepat e vet edhe njerzit ne Puke e gjithe Shqipërin jetojn ne varferi si ne Afganistan,mjerim kush i ndjek e kush voton per këto plehra
PërgjigjuMjeri ky popull ku ka perfundu,pushtearet e dyja paleve duan pushtet per xhepat e vet,fukarenjt e budallenjt I ndjekin per nje thes miell per 50 Euro ose per nje tullon nafte,edhe perfundimi dihet,kush do qe te fitoj,shpresa e vetme esht gomonia per Angli,te mjerët ky popull ne qar gjendje jane
PërgjigjuDIHET QE VETEM SHPELLARET E KANE MENDJEN TEK DHUNA DHE VRASJET...RREMPALLE HESAPI
PërgjigjuSa shumë te dokan pukjanet o kryebashkiak pa zgjedhje
PërgjigjuPukjanet jane te zgjuar dhe e dine mire qe Edi Rama kete qytet e ka bere nje atraksion turistik te shkelqyer por pyll pa derra nuk ka sepse dyshja kriminale NON GRATA FLORIRI vetem te vrasjet e vjedhjet jane.
PërgjigjuGabohesh rende i nderuar. Policine e ke nen urdhra dhe ti e di mire se kush ka qelluar dhe pse. Gjithsesi Gjok Matia ta zgjidh direkt problemin sidomos kur behet bashke me Hamdi Shurranin.
PërgjigjuIk mor debil, ku merr vesh ti. Ti je pa vizion fare
Përgjigju