SHKODËR- Të shtëna me armë zjarri ka patur mbrëmjen e djeshme në afërsi të bustit të Prekë Calit në Shkodër. Viktor Marku është personi që qëlloi dje në ajër me armë pas një konflikti me disa persona.
Marku pas ngjarjes është ndaluar nga policia ndërsa mësohet se ka qenë i dyshuar për vrasjen e Hekuran Billës në Tiranë. Ai u lirua për mungesë provash nga Gjykata e Tiranës ndërsa mbrëmjen e djeshme ka qëlluar në drejtim të personave që u konlfiktua, por fatmirësisht nuk pati të lënduar.
Përveç Markut, u shoqëruan dhe të dy persona të tjerë, vëllait dhe djalit të xhaxhait të tij. Në një automjet tip BMW është gjetur një gëzhojë arme me të cilën dyshohet se është qëlluar.
![](https://shqiptarja.com/template/img/NO_ALFA_Kuadrate shqiptarja.png)
Ende nuk dihet arsyeja se pse është regjistruar kjo ngjarje ndërsa policia po vijon hetimet për zbardhjen e plotë të saj.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)