POP 5

Lajmet më të lexuara të 5 minutave të fundit

Ekonomi

Të verbërit, apel Qeverisë për pagat
e prapambetura të viteve 2005-2010

Shoqata e të Verbërve dhe Paraplegjikëve ka kërkuar shlyerjen e detyrimeve të prapambetura për periudhën kohore 2005-2010. Rreth 2000 persona të kësaj shtrese pretendojnë se edhe pse me vendime gjyqësore të fituara, asnjeri prej tyre nuk është rimbursuar.
TIRANE- Shoqata e të Verbërve dhe Paraplegjikëve ka kërkuar shlyerjen e detyrimeve të prapambetura për periudhën kohore 2005-2010 të prapambetura të pagesave të PAK. Rreth 2000 persona të kësaj shtrese pretendojnë se edhe pse me vendime gjyqësore të fituara, asnjeri prej tyre nuk është rimbursuar si rezultat i indeksimit të gabuar. Kryetari i Këshillit Kombëtar të Personave të Kufizuar, Sinan Tafaj, ka kërkuar më shumë vëmendje për këtë kategori dhe ka kërkuar kompesimin e të gjithë personave me vlerën monetare që kanë fituar me vendime gjyqësore.

“Nga të dhënat që ne kemi rezulton se janë me qindra vendime gjyqësore në favor 2000 të verbërve, të cilëve u është mohuar përfitimi i shumës që i ka takuar për kujdestarët e tyre për vitet 2005-2010”, u shpreh Tafaj. Sipas kryetarit të  Këshillit Kombëtar të Personave të Kufizuar, ministri i Mirqënies Sociale, Erion Veliaj duhet ta marrë seriozisht këtë kërkesë dhe të bëj një llogaritje korrekte për çdo detyrim financiar që ka ndaj kësaj kategorie sociale.

Tafaj ka kërkuar që vëmendja e ministrisë të mos jetë e drejtuar vetëm në drejtim të personave të verbër, por edhe për përfituesit e tjerë që janë personat paraplegjikë dhe tetraplegjikë. “Kemi paguar vetë edhe energjinë elektrike, të telefonit dhe atë të transportit urban, ku edhe pse po vjen fundi i vitit, ende nuk është marrë asnjë masë dhe askush nuk është kompesuar”, deklaroi Mybere Prizreni, kryetarja e Shoqatës së Tetraplegjikëve.

Edhe kjo shtresë ka hartuar një sërë kërkesash që do t’ia paraqesë ministrit të Mirëqenies, në lidhje me pagesat e prapambetura. Kërkesat nga Shoqata e të Verbërve dhe Paraplegjikëve, në lidhje ku përfshihen propozimet dhe abuzimet që janë bërë me pagesat kesh për këtë kategori janë dërguar pranë qeverisë, por siç pohojnë edhe përfaqësues të këshillit kombëtar të pesonave me aftësi të kufizuara, ende nuk është marrë një përgjigje zyrtare për këtë çështje. Prej kohësh kjo kategori sociale ka kërkuar një rivlerësim të pagesave, dhe rimbursive që ofrohen nga qeveria për të verbërit, paraplegjikët dhe tetraplegjikët.

Shkrimi u përditësua në 25 maj 2014
(d.a/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Abuzim me tenderat/ Dënohet me burg ish-kryebashkiakja e Patosit, Rajmonda Balilaj! I konvertohet në shërbim prove

Abuzim me tenderat/ Dënohet me burg ish-kryebashkiakja e Patosit, Rajmonda Balilaj! I konvertohet në shërbim prove

15 Janar, 19:00