POP 5

Lajmet më të lexuara të 5 minutave të fundit

Sociale

Të verbrit "prekin" artefaktet në
ekspozitën "pa dritë" në Durrës

27 artefakte dhe objekte të koleksionit të muzeut arkeologjik në Durrës u vizituan nga personat e verbër, në kuadër të çeljes së ekspozitës “pa drite” në ambjentet e muzeut.Veprat e ekspozuara shoqërohen me një shënim shpjegues të shkruar nē alfabetin braille, në mënyrë që të përcillet edhe informacion lidhur me këto objekte. Kjo nismë u mbështet nga ministria e Kulturës.  FOTO
27 artefakte dhe objekte të përzgjedhura nga koleksioni i Muzeut Arkeologjik Durrēs, u vizituan nga personat e verbër, në kuadër të çeljes së ekspozitës “pa dritë” në ambjentet e muzeut.

Objektivi kryesor i çeljes së kësaj ekspozite është t’u ofrojë personave me nevoja të veçanta shqisore, një mundësi për të njohur nga afër me vlerat arkeologjike të qytetit bregdetar. 

Ç’do objekt në këtë ekpozitë shoqërohet me një shënim shpjegues të shkruar nē alfabetin braille, në mënyrë që të përcillet edhe çdo informacion lidhur me këto objekte. 

Përsonat e verbër të cilët kësaj radhe u bënë udhërrëfyes të vizitorëve në një dhomë të errët u shpjeguan rëndësinë e objekteve të ekspozuara. “Eksperienca e parë që bëhët diçka e tillë në Shqipëri, në muzetë  e tjerë është e ndaluar të prekësh. Kjo që është bërë këtu  është diçka e arrirë dhe shumë e gjetur për personat e verbër”, u shpreh njëra nga vizitoret.

Sipas ministres së Kulturës Mirela Kumbaro, ekspozita do t’u ofrojë mundësi njohjeje me një pjesë të trashëgimisë arkeologjike, personave me aftësi të veçanta.
 
“Sot ne ju ftojmë të prekim një ekspozitë për të përftuar të njëjtat kënaqësi estetike dhe të njëjtin reflektim mbi botën e artit, të kulturës por edhe mbi trashëgiminë kulturore, mbi historinë, mbi identitetin tonë kombëtar, por edhe atë europian njëkohësisht sepse e tillë është ekspozita. I tillë është muzeu arkeologjik i Durrësit,” tha Kumbaro. Ekspozita e cila do të qëndrojë e hapur për një periudhë të gjatë do t’u ofrojë mundësi njohjeje me një pjesë të trashëgimisë arkeologjike, personave me aftësi të veçanta.

Ekzpozita do të qëndrojë e hapur për disa ditë, ndërsa drejtuesit e Muzeut Arkeologjik do kujdesen për mbarëvajtjen e saj.

ekspozita
 
te verber
 Foto të tjera nga ekspozita
 

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Biden dhe Trump përpjekje për armëpushim në Gazë para 20 janarit

Biden dhe Trump përpjekje për armëpushim në Gazë para 20 janarit

11 Janar, 16:36