Monodrama “Rrno për me tregue” e At Zef Pllumit me regji nga Milto Kutalit dhe interpretim nga aktori Arben Derhemi rikthehet në skenën e Teatrit Kombëtar Eksperimental “Kujtim Spahivogli”.
Pas mbrëmjeve në skenën e teatrit “Zihni Sako” në Gjirokastër vepra vjen sërish për publikun në Tiranë.
Vetë aktori protagonist Arben Derhemi lajmëron shfaqjen në data 8-9-10 qershor në orën 20.00 në teatrin “Kujtim Spahivogli” (salla Molier). “Për të gjithë ata që nuk kishin rastin ta shihnin kryeveprën e At Zef Pllumit”, shkruan aktori Derhemi në profilin e tij në Facebook.
Komunikimi mes njeriut dhe bimës, njeriut dhe kafshës, dhe pa mundësia që njeriu me njeriun të gjejnë gjuhën e përbashkët, ishte përzgjedhur si pjesë thelbësore e kësaj monodrame është pjesa kryesore e kësaj monodrame. Mesazhi shkon sidomos për të rinjtë që dinë pak për një nga periudhat e errëta që kaloi vendi ynë.
Më herët në kohën kur vepra erdhi premierë aktori gjatë prezantimit u shpreh se ,”kjo vepër u vu në skenë sepse kjo shoqëri ka nevojë për këtë katarsis që të kuptojë dhe të gjithë njerëzit, kush në një mënyrë dhe kush në një mënyrë tjetër të kërkojë falje për gabimet. Ndoshta dhe diçka më tepër. Unë mbetem në kuadrin e kërkimit të faljes, sepse duke pasur parasysh llojin tonë ishte më mirë të kërkonin vetëm falje dhe pjesën tjetër t’ua linin njerëzve të tjerë që ta kuptonin vetë se çfarë ka ndodhur në këtë vend dhe çfarë duhet të ndodhë. Liria është një çikë problem, sepse unë nuk e di ka ardhur akoma apo jo”, është shprehur Derhemi.
“Rrno për me tregue” vjen për publikun përmes një skenografie të thjeshtë, me element funksional por me tekst goditës, duke përcjellë emocione të forta tek spektatori. Derhemi dhe Kutali kanë shpresuar se duke u mirëpritur nga publiku kjo vepër do të shërbejë si motiv për debat, për një reflektim të shoqërisë shqiptare, që duhet të mendojë me kokën e vet dhe të kuptojë e të shohë brenda vetes, nëse është me të vërtetë e lire, sepse kjo ishte pyetja që At Zef Pllumbi i kishte bërë vetes kur doli nga qelia: “Unë nuk di a jemi të sigurt a është liri e vërtetë ajo atje jashtë? Por, megjithatë, unë do ta vazhdoj rrugën time, vetëm për me tregue, sepse dikujt mund t’i hyjnë në veshë fjalët e këtij plaku të mjerë edhe diku, dikur, në jetën e tyre diçka mund të ndryshojnë, sepse ata njerëz, edhe pse atje jashtë, asnjëherë nuk kanë qenë të lirë”.
.jpg)
(“Rrno për me tregue” e At Zef Pllumit)
“At Zefi e ka shkruar aq bukur, sa do ishte e tepërt për të vijuar më tej”, thotë Derhemi, teksa shton se kjo është një vepër që i duhet shoqërisë shqiptare më shuëm se kurrë sot. Kjo përkon sipas regjisorit edhe me shprehjen shkrimtarit të madh Ismail Kadare që e ka shkruar në parathënien e librit të At Pllumbit. “Gjithë shoqëria shqiptare ka nevojë për këtë vepër. Kanë nevojë ata që kanë jetuar atë kohë, e po aq, në mos më tepër, ata që s’e kanë jetuar. Kanë nevojë të shtypurit e të nëpërkëmburit, e po aq, e mos më tepër, ata që shtypën të tjerët. Kanë nevojë antikomunistët, e po aq, ndoshta më tepër, komunistët”., ka shkruar Kadare.
Lajme të tjera
-
Aurel Plasari kujton bisedën me At Zef Pllumin në gusht ’96: Bënte thirrje që të vërtetat të mos harrohen
28 Gusht, 14:02
-
At Zef Pllumi 100 vjeç!
26 Gusht, 17:39
-
Preç Zogaj, Bashkim Shehu dhe Shaban Murati fitojnë çmimet letrare “At Zef Pllumi 2024”
8 Prill, 17:03
-
Kujtimet e At Zef Pllumit: Dul Rrjolli me tha ‘Hin në nji punë, çil familje e, jeto si të gjithë njerëzit se, si klerik, ke me dekë, tue shtri dorën si lypsar dhe…
9 Mars, 07:30
-
‘Kur në Kino-‘Rozafat’, u lexue prentenca me vdekje për tetë persona dhe At Mati Prenushi…’, Kujtimet e fratit të famshëm
13 Janar, 08:07
-
‘Babai i skenës dhe i filmit’, Robert Ndrenika feston 82-vjetorin, kolegët me urime zemre: Artist i papërsëritshëm!
10 Janar, 16:12 -
Dëshmia e rrallë e fratit të famshëm: Në kampin e Kënetës së Maliqit, njoha një të burgosun nga Kurbini, që kur ishte n’arrati, kishte nejt dhjetë muej, në një shpellë me një ujk…
2 Janar, 08:08
-
Në ‘petkat’ e At Zef Pllumit mbi 200 herë! Arben Derhemi: Doja ta interpretoja në Parlament! Në kryeministri, asnjë nga ata! Aulon Naçi: Si e kompozova melodinë
2 Tetor 2023, 16:43
-
Elisa Spiropali: 16 vjet pa At Zef Pllumin
26 Shtator 2023, 10:39
-
Rrëfimet e At Zef Pllumit: Në vjetin 1956, Shyqri Rrjolli, komunist, por burrë i ndershëm, i tha një kolegut tim që sapo ishte lirue prej burgu; ndigjo djalë, edhe po t’ua lamë pushtetin…
2 Shtator 2023, 08:12
-
Në pritje të shërimit të Genc Fugës dhe reagimit të instancave për të drejtën e jetës e dinjitetin e artit! 'Leksioni' i solidarizimit nga Arben Derhemi, studentë e artistë të tjerë
31 Korrik 2023, 21:55 -
Refleksione për librin ‘Rrno për me tregue’: Kur lexoi atë që kishte shkruar Dom Vlash Muçaj në murin e WC-së, At Zef Pllumi u tmerrua
21 Mars 2023, 07:50
