TIRANË - Nga mbledhja e qeverisë mes 9 neneve të shpallura dje në fletoren zyrtare të qeverisë, neni 1 i këtij projektligji është për emërtimin e ri të Teatrit të Komedisë, ku propozohet të riemërtohet Teatri i Komedisë, duke u emërtuar “Teatri Eksperimental “Kujtim Spahivogli”.

Vlerësohet pas vdekjes figura e Kujtim Spahivogli, “Artist i Popullit”, si personi që ideoi, krijoi dhe drejtoi “Teatrin e të Rinjve” pranë Institutit të Lartë të Arteve.

Me këtë ndryshim synohet që ky institucion të shndërrohet në një institucion, që përveçse përfshin fuqishëm kontributin e rinisë, gjithashtu do të sjellë edhe zhvillimet më të fundit bashkëkohore në fushën e teatrit.

Kështu është shprehur dje ministrja e kulturës Kumbaro në fjalën e saj pas shpalljes së Projektligjit të miratuar dje në mbledhjen e qeverisë.

Redaksia Online
(mag/shqiptarja.com)