Godina rezulton të jetë bllokuar që në vitin 2002-2003 nga një akt-bllokimi nga Drejtoria e Shërbimit Zjarrfikës të cilin e disponon "Shqiptarja.com". Sipas dokumentit, nga verifikimi i bërë në atë kohë ka rezultuar se godina e teatrit kishte në përbërje një material lehtësisht të djegshëm dhe rrjeti elektrik ishte i amortizuar.
![dokumenti](http://www.shqiptarja.com/foto/327134.jpg)
Alarmi i ngritur nga zjarrfikësja nuk është zbatuar asnjëherë. Kujtojmë se pak ditë më parë kyebashkiaku Veliaj u shpreh i vendosur për të shembur godinën e Teatrit Kombëtar. Kreu i Bashkisë tha se kjo godinë nuk ka asnjë vlerë monumentale për shkak të amortizmit të tejskajshëm, por shtoi se mbi rrënojat e ndërtesës së vjetër do ndërtohet një ndërtesë moderne.
Për ta bërë edhe më bindës qëndrimin e tij ai deklaroi se kjo godinë për shkak të materialeve të përdorura ka ndikuar në sëmundjen me kancer të shumë aktorëve, duke hapur kështu një debat tjetër që mund të afrojë edhe më datën e shembjes së ndërtesës së vjetër.
Redaksia Online
l.q/Shqiptarja.com
![](https://shqiptarja.com/template/img/NO_ALFA_Kuadrate shqiptarja.png)
![](https://www.shqiptarja.com/template/img/sh_logo1.png)