HOUSTON (TEKSAS) - Të shtënat me armë në një festë në shtëpi në Houston kanë lënë 2 persona të vdekur dhe 22 të tjerë të plagosur.

Ngjarja e rëndë ndodhi në orët e vona të së shtunës (9 Nëntor) në një festë ditëlindjeje në një ndërtesë dy katëshe ku ishin mbledhur rreth 100 persona, ka deklaruar policia.
 
Ende nuk është e qartë nësë të plagosurit kanë marrë plagë nga të shtënat apo nga perpjekja për të dalë sa më parë nga ndëtesa.
 
Policia vazhdon ende të jetë në kërkim të dy personave që kanë qëlluar me armë ndërkohë që mbetet i panjohur dhe motivi i ngjarjes.

Redaksia Online
(a.ç/shqiptarja.com)