POP 5

Lajmet më të lexuara të 5 minutave të fundit

Sociale

Tekstet shkollore, reagon MAS:
Alterteksti, dështim me sukses

Pas publikimit në rrjetet sociale të teksteve me gabime ka reaguar ministrja e Arsimit Lindita Nikolla. Në një deklaratë për shtyp, ministrja Nikolla thotë se tekstet e konstatuara me probleme janë ato të miratuara në vitin 2011, dhe pas verifikimeve janë hequr nga katalogu 120 prej tyre. VIDEO
Tekstet shkollore, reagon MAS:<br />Alterteksti, dështim me sukses
TIRANE- Pas publikimit në rrjetet sociale të teksteve me gabime ka reaguar ministrja e Arsimit Lindita Nikolla. Në një deklaratë për shtyp, ministrja Nikolla thotë se tekstet e konstatuara me probleme janë ato të miratuara në vitin 2011, dhe pas verifikimeve janë hequr nga katalogu 120 prej tyre. Duke e quajtur këtë një dështim të altertekstit, ministrja Nikolla thotë se do të bëhet një reformë rrënjësore e sistemit të teksteve shkollore.
 
Ministrja e Arsimit shton se “pjesa dërrmuese e imazheve të shpërndara në rrjetet sociale gjatë këtyre ditëve, ose nuk janë pjesë e sistemit arsimor parauniversitar ose janë të manipuluara”.
 
Ndërkaq, ky institucion ka krijuar një adresë të posaçme elektronike: [email protected] ku të gjithë nxënësit, mësuesit dhe prindërit të mund të dërgojnë foto të teksteve me probleme në përmbajtje të së cilës të jenë të shënuara dhe titulli i tekstit, emri i autorit dhe numri i faqes së tekstit ku konstatohen këto probleme.
 
 
Deklarata e ministres Lindita Nikolla
 
Po sjell në vëmendjen tuaj qëndrimin e Ministrisë së Arsimit dhe Sportit në lidhje me publikimin e disa imazheve të teksteve shkollore me përmbajtje dhune, urrejtje dhe të tjera probleme që kanë qarkulluar ditët e fundit në rrjetet sociale dhe media.
 
Ministria e Arsimit dhe Sportit thekson se fakte të tilla përforcojnë dhe nxisin më tej nevojën dhe domosdoshmërinë për vazhdimësinë e reformave të ndërmarra prej saj në drejtim të teksteve shkollore. Të gjitha tekstet që janë sot në institucionet e arsimit parauniversitar janë tekste të katalogut të miratuar nga “Komisioni për Miratimin e Teksteve Shkollore” pranë Ministrisë së Arsimit dhe Shkencës në vitin 2011-të.
 
Që prej shtatorit të vitit 2013-të, MAS ndërmori një proces të gjerë konsultimesh me përfaqësues nga shoqëria civile, Avokati i Popullit, mësues, Akademia e Shkencave, media dhe aktorë të tjerë të fushës për të diskutuar rreth problematikave të teksteve shkollore. Reflektimet e mbledhura nga ky proces ju përcollën nga MAS të gjitha shtëpive botuese, të cilat pasi bënë korrigjimet finale të teksteve konstatuan 120 tekste shkollor me probleme të cilat u hoqën nga katalogu.
 
Gjetjet e deritanishme nga MAS, por dhe publikimet në media të teksteve të papërshtatshme përforcojnë dhe më shumë pozicionin e Qeverisë shqiptare që alterteksti ishte një dështim me sukses. Në këtë kuadër MAS po ndërmerr gjithë reformën e nevojshme për ndryshimin në mënyrë rrënjësore të sistemit të teksteve shkollore. Vlen për t’u theksuar që pjesa dërrmuese e imazheve të shpërndara në rrjetet sociale gjatë këtyre ditëve, ose nuk janë pjesë e sistemit arsimor parauniversitar ose janë të manipuluara. Sidoqoftë MAS ka krijuar një adresë të posaçme elektronike: [email protected] ku ftojmë të gjithë nxënësit, mësuesit dhe prindërit të dërgojnë foto të teksteve me probleme në përmbajtje të së cilës të jenë të shënuara dhe titulli i tekstit, emri i autorit dhe numri i faqes së tekstit ku konstatohen këto probleme. Secili prej këtyre rasteve do të ndiqet me seriozitetin maksimal nga MAS.
 
Ministria e Arsimit dhe Sportit rithekson dhe njëherë se për këtë institucion fëmijët shqiptar janë të shtrenjtë dhe se do bëjë gjithçka i mundëson kuadri ligjor për të mos lejuar deformime të tilla në formimin e personalitetit të nxënësit.

Redaksia Online
(e.s/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça