Telemjekësia, Vodafone
merr çmimin e Ekselencës

TIRANE - Forumi i katërt i Telekomunikacionit në Shqipëri “Infocom Albania” zhvilloi sot një aktivitet në ambientet e Hotel “Sheraton” në kryeqytet, gjatë zhvillimit të të cilit nderoi me çmim kompanitë e telekomunikacionit që operojnë në Shqipëri. Kompania Vodafone mori çmimin e Ekselencës për Përgjegjshmërinë Sociale në Shqipëri për vitin 2012 për projektin e Telemjekësisë përmes Celularit që është duke u zhvilluar në Shqipëri.
Ndërkaq, nw tw njëjtin aktivitet u nderu me çmim edhe Albtelekom dhe Eagle Mobile, përmes Drejtorit të Përgjithshëm të dy kompanive, Dr. Orhan Coşkun mori çmimin “Menaxheri i vitit”.

VODAFONE MERR CMIMIN E EKSELENCES PER PERGJEGJSHMERINE SOCIALE
Forumi i 4-t Shqiptar i Telekomunikacionit InfoCom vlerësoi kontributin e Vodafone Albania në fushën e Përgjegjshmërisë Sociale duke i akorduar çmimin e Ekselencës për Përgjegjshmërinë Sociale në Shqipëri për vitin 2012 për projektin e Telemjekësisë përmes Celularit që është duke u zhvilluar në Shqipëri.

Gjatë marrjes së çmimit, Drejtori i Ekzekutiv i Fondacionit Vodafone Albania, Albi Greva tha se kompania Vodafone Albania dhe Fondacioni Vodafone Albania janë të vendosur që të shfrytëzojnë lehtësitë që ofron teknologjia për të përmirësuar jetën e komunitetit.

CFARE ESHTE PROGRAMI I TELEMJEKESISE
Programi i Telemjekësisë përmes Celularit shfrytëzon teknologjinë më të lartë të transmetimit të të dhënave pa kabëll – 3G dhe mundëson realizimin e testeve mjekësore për pacientë në zonat më të thella të vendit dhe transmetimin e të dhënave tek mjekët specialistë. Financimi dhe koordinimi i këtij projekti kryhet nga Fondacioni Vodafone Albania në bashkëpunim me Ministrinë e Shendetësisë, Kryqin e Kuq Shqiptar dhe Spitalin Hygeia Tiranë.

Redaksia Online
(Gre.M/Shqiptarja.com)