Teksa temperaturat përvëluese kanë mbërthyer vendin tonë, ku sot kanë shkuar deri në 43 gradë celcius,mjekët këshillojnë shmangien e aktiviteteve në orarin e drekës dhe qëndrimin në ambiente të freskëta sidomos për të moshuarit më sëmundje kardiake dhe pulmonare.
“I këshillojmë të qendrojnë në ambiente të freskëta, në hije, në ambiente të kondicionuara. Të shmangin aktivitete në kohët e nxehta sidomos në orët e drekës. Fëmijët, kafshët të mos lihen në makinë në pritje me orë pa e kuptuar që mund ti dëmtojnë nga temperaturat, nga i nxehti. Më tepër këshillojmë moshat treta të cilët kanë probleme kardiake, kanë probleme me sëmundjet pulmonare”-tha mjeku i familjes Bernard Bajraktari.
Mjeku i familjes Bernard Bajraktari në Qendrën Shëndetësore nr.10 në kryeqytet thotë se edhe procesi i vaksinimit po kryhet në mëngjes dhe pasdite për të shmangur daljet jashtë në temperatura të larta.
“Aktualisht në këtë periudhë ne po bëjmë mbi 300 vaksinime në ditë në qendrën tonë shëndetësore. Këshillojmë popullatën dhe kemi menduar që vaksinimet të bëhen në fashën 08:00 deri në 12:00 paradite që mos ti kapi ajo periudha e nxehtë, pastaj edhe pasdite në orët e vona por ne preferojmë mëngjesin për tu vaksinuar. Mirë është të vaksinohemi sa më shumë. Vaksinimi eliminon mundësinë për tu sëmurur ose nëqoftëse do sëmuremi do kemi simptoma minimale”-u shpreh mjeku i familjes.
Ndonëse në vendin tonë është në qarkullim varianti Delta i COVID-19, që ka një transmetueshmëri më të madhe, të gjithë të testuarit në QSH nr.10 kanë rezultuar negativ dhe aktualisht nuk ka asnjë të infektuar.
“Nuk ka ndonjë rritje të ekzagjeruar, janë minimale kërkesat. Teste kemi, i kemi dërguar të gjithë pacientët e dyshuar, aktualisht nuk kemi raste. Nuk ka ndonjë fluks kërkese pasi edhe kërkesa më e madhe aktualisht është për tu vaksinuar”-tha ndër të tjera mjeku Bajraktari.
Në Qendrën Shëndetësore nr.10 po përdoren vaksinat Pfizer, Astrazeneca dhe Coronavac ku kjo e fundit është e preferuar nga të gjitha grupmoshat.
Intervista e plote
Lajme të tjera
-
Vera 2024, më e nxehta e regjistruar ndonjëherë në Europën Juglindore
26 Shtator, 22:20 -
Mesdheu: Vapa përvëluese po kthehet në normalitetin e ri
19 Gusht, 14:26 -
Studimi: 47.000 viktima të vapës në Europë vitin e kaluar
14 Gusht, 15:35 -
OBSH për Evropën: Vaksinimi shpëtoi 2 milionë persona nga vdekja prej COVID
10 Gusht, 16:43 -
Temperaturat e larta, Veliaj apel qytetarëve: Shmangni lëvizjet gjatë orëve të pikut, ndaloni te 'Çadra e Kujdesit' për ujë dhe për të matur tensionin
30 Korrik, 10:12 -
Bashkia e Tiranës ngre Çadrën e Kujdesit në sheshin 'Skënderbej', Veliaj: Matje tensioni dhe ujë falas për qytetarët
20 Korrik, 10:29 -
Temperaturat e larta, mjekët: Shmangni daljen jashtë, vishni lehtë fëmijët! Kujdes me ajrin e kondicionuar
17 Korrik, 22:36 -
Ja arsyet pse duhet të shmangni dushin me ujë të ftohtë në verë
16 Korrik, 22:05 -
Propozimi i qeverisë: Administrata mund të vijë në punë kur të dojë, mjafton të plotësojë orët
16 Korrik, 18:31 -
Temperaturat ekstreme, ja si e përballojnë qytetarët vapën në kryeqytet
16 Korrik, 14:07 -
A mund të nxiheni ose digjeni nga dielli edhe në hije?
16 Korrik, 11:49 -
Ushqimet që duhet të shmangni që të mos helmoheni gjatë stinës së verës
11 Korrik, 16:26
