POP 5

Lajmet më të lexuara të 5 minutave të fundit

Sociale

Temperaturat e lartë thajnë rezervuarin e Kasharajt në lushnjë, ngordhin tonelata peshq

Temperaturat e larta thajnë rezervauarin e fshatit Kasharaj të Lushnjës duke shkaktuar një katastrofe mjedisore. Tonelata peshk kanë ngordhur për të dytin vit radhazi. Administratori i biznesit të peshkimit thotë se dëmi është kolosal, ndërsa nuk ka marrë asnjë përgjigje nga zyra rajonale e bujqësisë.

Në prag të grumbullimit të prodhimit tonelata me peshk kanë ngordhur duke dalë në sipërfaqe në rezervuarin e Kasharajt në Lushnjë, duke i sjellë një dëm të madh sektorit të peshkimit në këtë zonë. Rezervuari i Kasharaj i licensuar dhe për gjuetinë e peshkut funksionon për ujitjen e tokave bujqësore, ndërsa këto ditë ky ujëmbledhës ka qenë në kuotat minimale duke ndikuar negativisht në aktivitetin e peshkimit.

Ylli Kashari, administratori i peshkimit në rezervuar thotë se mungesa e ujit dhe temperaturat e larta janë ndër faktorët që  mund të jenë bërë shkak për këtë katastrofë mjedisore dhe ekologjike.

“Ka ngordhje peshku masive. Se nga se, unë nuk e di, por them nga mungesa e oksigjenit, qarkullimi i ujit, temperaturat e larta dhe rënia e nivelit. Unë nuk hedh dot rasat për vitin tjetër”, tha ai.

Një nga peshkatarët e zonës pohon se situata është një rast i përsëritur, por nuk ka patur një reagim nga ana e strukturave shtetërore.

 “Sipas mendimit tim është mungesë oksigjeni ndoshta se i gjithë uji ka ikur. Edhe vjet kështu ndodhi me peshkun”.

Pas rastit të muajit mars, kjo është hera e dytë që në rezervuarin e Kasharaj në periferi të Lushnjës ndodh ngordhja e peshqve. Administratori i biznesit të peshkimit është në pritje të një përgjigje nga institucionet shtetërore pasi e ka të vështirë të rinovojë rasatin për vitin  e ardhshëm.

SI.E./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Lushka: 05/08/2022 15:48

    Futini si ne cdo rezervuar dy pompa qe prodhojne ajer

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça