POP 5

Lajmet më të lexuara të 5 minutave të fundit

Arkiva

Temperaturat e ulëta, bora e
ngrica bllokon rrugë e komuna

Në Korçë temperature më e ulët sot është shënuar -15 gradë celcius. Probleme në disa akse dhe sidomos në komunat e thella malore në juglindje dhe verilindje të cilat këto ditë janë të izoluara nga bora. (ne foto pamje nga Erseka)
TIRANE- Moti i ftohtë dhe temperaturat e ulëta dhe reshjet e borës kanë mbuluar gjithë vendin duke shkaktuar prej disa ditësh probleme në disa akse dhe sidomos në komunat e thella malore në juglindje dhe verilindje të cilat këto ditë janë të izoluara nga bora. Fatmirësisht nuk raportohen për viktima nga të ftohtit.

Në Korçë temperature më e ulët sot është shënuar -15 gradë celcius, ndërsa raportohet se në disa akset nacionale ka probleme me ngricat. Në aksin “Qafa e Qarrit,Leskovik-Ersekë, aksi drejt pikës turistike Dardhë, lëvizja bëhet me zinxhirë.” Komunat e bllokuara janë Lekas, Velcan, Probtisht, Trebinjë
Në Pukë janë bllokuar fshatrat Bugjan, Gralishte, Aprripa. Kreu i komunës së Fierzës, Vasil Mysliu njofton dhe për mungesën e energjisë në këto fshatra ndërsa shton se është e pamundur ndërhyrja për shkak të reshjeve të dendura të borës. Ngricat kanë krijuar probleme dhe në aksin Bardhet-Kryezi-Iballë, Gjegjan-Mirditë, Fushë Arrëz-Qafë Mali, dhe policia këshillon lëvizjen vetëm me zinxhirë. Në Dibër janë të bllokuara disa fshatra të komunës Sllovë. Probleme nga akulli në komunën Macukull.

Sipas parashikimit të Shërbimit Meteorologjik Ushtarak, kjo situatë do të vazhdojë deri ditën e mërkurë ku moti pritet të jetë i kthjellët por shumë i ftohtë duke regjistruar kështu temperaturat më të ulëta të vitit. Duke nisur nga e enjtja në mbarë vendin do të rikthehen vranësira të cilat do të shoqërohen me reshje shiu e bore. Ndërsa temperaturat do të pësojnë një rritje të lehtë por të papërfillshme.

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

‘Për pak ditë vjen 21 janari, të mos e harrojmë’, Veliaj nga Kuvendi Rinor i Tiranës, Veliaj: Në mes të Bulevardit vriteshin njerëz me plumba se ishin socialistë

‘Për pak ditë vjen 21 janari, të mos e harrojmë’, Veliaj nga Kuvendi Rinor i Tiranës, Veliaj: Në mes të Bulevardit vriteshin njerëz me plumba se ishin socialistë

15 Janar, 20:45