6 personat e arrestuar në Lezhë në kuadër të Megaoperacioni policor mbarëkombëtar i koduar “Tempulli 2”, u liruan nga qelia. Gjykata e Lezhës vendosi të ndryshojë masat e sigurisë "Arrest në Burg" të dhënë me 18 janar në mungesë ndaj tyre, duke vendosur "Detyrim Paraqitje" për njërin prej tyre dhe "Arrest në Shtëpi" për 5 personat e tjerë të arrestuar, të cilët janë vënë nën akuzë për vepren penale "Prodhim dhe shitje e lëndëve narkotike".
Vendimi u dha nga gjyqtari Lirim Bulica, i cili pasi dëgjoi palet ndryshoi masat e sigurimit për përsonat e arrestuar me bujë në kuader të megaoperacionit mbarëkombëtar "Tempulli 2", pjesë e së cilit ishte dhe Qarku i Lezhës.
Po në kuadër të këtij operacioni "Tempulli", në muajt dhjetor dhe janar, janë arrestuar në flagranë 14 shtetas dhe proceduar penalisht në gjendje të lirë 10 të tjerë në Lezhë.
![](https://shqiptarja.com/template/img/NO_ALFA_Kuadrate shqiptarja.png)
Ndërsa në cilësinë e provës materiale janë sekuestruar, 6 kg lëndë narkotike kanabis sattiva, 50 doza kokainë, 42 aparatë celularë, 3500 euro, peshore elektronike dhe grirëse për lëndë narkotike. Drejtoria Vendore e Policisë Lezhë bën me dije se operacioni "Tempulli 2", vijon në të gjithë territorin dhe nuk do të ketë tolerime ndaj shkelesve të ligjit.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)