Situata në veriun e Kosovës vijon të jetë problematike. Sot është dita e 16-të prej kur serbët lokalë vendosën barrikada nëpër rrugë, në shenjë proteste për arrestimin e ish-policit, Dejan Pantiç.
Eksperti i sigurisë Drizan Shala në një intervistë për Report Tv për gazetarin Nertil Agalliu, thotë se shkak për tensionet janë politikat e gabuara në terren të kryeministrit të Kosovës Albin Kurti. Sipas tij politikat e Kurtit kanë dështuar skajmërisht dhe se në veri ka një siguri të brishtë vetëm për këtë fakt.
‘Tensionet politike nuk janë duke kontribuar në nivelin operacional policor. Në terren kemi tensionim të situatës sulme të ndryshme sa i takon shok bombave. Pasoja e vetme e gjithë kësaj drame në pjesë veriore është rezultat i politikës së gabuar të republikës së Kosovës e cila nuk është koordinuar edhe me partnerin strategjik SHBA. Në këtë aspekt le të shpresojmë që KFOR të marrë hapin konkret s ai përket çështjes së garantimit të lëvizjes së lirë sipas mandatit që ka. Politika e Kurtit në këtë aspekt ka dështuar skajshmërisht. Kemi një politikë të dështuar në aspektin e sigurisë. Kemi një politikë që ka thirrur për tension.’- u shpreh Shala.
Sipas ekspertit të sigurisë, një politikë jo e mençur me mosvazhdimin e dialogut po i shërben axhendës së Serbisë.
‘Mund të themi në aspektin e konkluzioneve një politikë jo e mençur me mosvazhdimin e dialogut, pasi na shpie në një qorrsokak që na shpie në axhendën e Serbisë. Çdo veprim i joni që bëhet në terren bëhet në bazë të një skenari që ka parashikuar Serbia. Shpresojmë që nesër në takimin ndërmjet Kurtit dhe komandantit të KFOR të gjendet një zgjidhje dhe të bëhet me dije që barrikadat të hiqen nëpërmjet dialogut. Siguria është e brishtë në atë pjesë. Çështjet në veri vetëm një shkëndijë e vogël mund ta përmbysë atë që është ndërtuar. Këtë po dëshiron Beogradi që policia e Kosovës të ndërhyjë me mekanizmin e saj. De Facto janë struktura paralele.’- u shpreh Shala.
Si u përshkallëzua konflikti në veri të Kosovës?
Disa serbë në veri të Kosovës, që nga data 10 dhjetor ngritën barrikada dhe bllokuan rrugët që të çojnë drejt pikave kufitare me Serbinë, Jarinjë dhe Bërnjak. Këto veprime i ndërmorën pasi policia e Kosovës arrestoi ish-pjesëtarin e këtij institucioni, Dejan Pantiç, nën dyshimet se ishte përfshirë në sulmet kundër zyrtarëve të Komisionit Qendror të Zgjedhjeve në veri të Kosovës dhe atyre policorë.
Sulmet ndodhën teksa KQZ-ja po bënte përgatitje për zgjedhjet lokale në komunat veriore: Leposaviç, Zveçan, Mitrovicë e Veriut dhe Zubin Potok. Zgjedhjet u shpallën pasi kryetarët e komunave dhe përfaqësues të tjerë serbë u larguan nga vendet e punës në fillim të nëntorit, duke kundërshtuar një vendim të Qeverisë së Kosovës për të mos lejuar qarkullimin e makinave me targa të lëshuara nga Serbia.
Përfaqësuesit serbë, të mbështetur nga Beogradi zyrtar, i kundërshtuan edhe zgjedhjet, që fillimisht u planifikuan për datën 18 dhjetor. Për shkak të situatës së tensionuar, presidentja e Kosovës, Vjosa Osmani, i shtyu ato për në prill të vitit të ardhshëm. Autoritetet e Kosovës akuzuan “bandat kriminale serbe, të udhëhequra nga Beogradi”, për disa incidente me armë zjarri dhe shok-bomba që ndodhën ditëve të fundit në veri. Zyrtarët serbë thanë se udhëheqësit e Kosovës po përpiqen “t’i dëbojnë” serbët nga veriu.
Komente
Lajme të tjera
-
BOKS/ Alban Beqiri dhe Besian Karaj kampion të Ballkanit për peshat 67 dhe 71 kg, fitojnë mes Serbisë
23 Nëntor, 15:57 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
‘S’është koha për bashkim me Shqipërinë’, Kurti: Qëllimi i Serbisë është hakmarrja, duhet të jemi të përgatitur për këtë
22 Nëntor, 10:32 -
Kimete Berisha: E vetmuar, si dhelpra!
21 Nëntor, 21:31
-
‘Janë të pavërteta’, Policia e Kosovës mohon se e ka kaluar kufirin me Serbinë
21 Nëntor, 20:12 -
BE-ja i kërkon Serbisë ta sqarojë pasivizimin e adresave të shqiptarëve në Luginë
21 Nëntor, 16:02 -
Serbi/ 11 të arrestuar, për shembjen e çatisë në stacionin e trenit në Novi Sad që vrau 15 persona
21 Nëntor, 13:56 -
Osmani kritika Kurtit: S’mund të luajmë bixhoz me partnerët, cenohet mbrojtja e Kosovës! Askush s’ia ka dalë vetëm
21 Nëntor, 11:35 -
Qeveria e Kosovës akuzon Serbinë për legjitimim të diskriminimit të shqiptarëve
20 Nëntor, 21:37 -
Policia e Kosovës aksion në veri të vendit, gjen armë dhe uniforma ushtarake
20 Nëntor, 21:09 -
Kosovë-Shqipëri përmbyllin edicionin e tretë të Javëve Kulturore Ndërkombëtare! Zbuloni aktivitetet që do të organizohen nga data 21 deri më 30 Nëntor
20 Nëntor, 19:06 -
Thirrjet 'Serbi, Serbi', Armando Duka del kundër Kosovës: Gabuan që bojkotuan ndeshjen
20 Nëntor, 12:58
EKSPERTI KOSOVAR QENKA NE UNISON TE PLOTE ME EKSPERTIN TONE MERO BAZE. MERO KUPTOHET SE E KA DETYRIM SEPSE PAGUHET NGA RAMA ,PO KY ?!BESOJ QE DO JETE DHE KY I PAGUAR. QENKA FAJI I ALBINIT (SIPAS TE DYEKSPERTEVE)QE PASKAN ARRESTUAR NJE POLIC SERB !
Përgjigjuasgjë
PërgjigjuPRONTO MAFIA me Vucicin dhe Edvin shkjaun në aksion, o të mjerë o tradhtarë së shpejti do iu mbuloj mjegulla e turpit një herë e mirë…!
Përgjigju