Pas letrës së dërguar ndaj presidentit francez dhe kancelarit gjerman për një shtysë të re nga BE për zbatimin e planit franko-gjerman si zgjidhje për tensionet Kosovë-Serbi, kryeministri Edi Rama niset nesër drejt Brukselit ku do të takohet me presidentin e Këshillit Europian, Charles Michel.
Dy ditë më parë një konferencë për mediat, Rama i cili kërkoi lirimin e 3 policëve të Kosovës që mbahen të burgosur në Serbi, bëri me dije gjithashtu se i kishte dërguar një letër Macron dhe Scholz ku u kërkonte që të ndërhynin për të bërë të mundur zbatimin e planit franko-gjerman për Kosovën.
Plani Franko-Gjerman ka qenë i vetmi propozim i hartuar nga dy prej liderve europianë, Emmanuel Macron dhe Olaf Scholz që është pranuar edhe kur dy palët nuk kanë patur asnjë marrëveshje. Plani Franko-Gjerman sipas Ramës, është baza për të arrirë marrëdhëniet dy palëshe mes Kosovës dhe Serbisë.
![](https://shqiptarja.com/template/img/NO_ALFA_Kuadrate shqiptarja.png)
Gjatë fjalës së tij ku theksoi se nuk do të ketë asnjë përparim të takimeve apo marrëveshjeve në kuadër të Open Balkan përsa kohë Serbia nuk liron 3 policët e Kosovës, Rama akuzoi sërish Albin Kurtin se po rrezikon të këpusë marrëdhëniet e Kosovës me bashkësinë euroatlantike.
Sipas tij, marrëdhëniet e Kurtit me BE-në dhe SHBA-në, janë në fazën më të keqe teksa vizitat e planfikuara po i kthehen mbrapsht dhe nuk po i hapet asnjë derë.
Kryeministri Edi Rama javë më parë bëri me dije se ka dorëzuar në zyrën e presidentit francez dhe kancelarit gjerman një draft-statut për Asociacionin e komunave me shumicë serbe në Kosovë. Drafti u prit mirë nga BE që e konsideroi si një propozim tepër serioz. Ndërsa Vuçiç dhe Kurti nuk u pajtuan me një propozim të tillë nga ana e Ramës. Presidenti serb tha se Rama nuk është i autorizuar për diçka të tillë, ndërsa Kurti tha se para se të bënte një propozim të tillë, kryeministri i Shqipërisë duhej të kujdesej për shqiptarët që ndodhen në Serbi dhe të dërgonte kërkesë për formimin e një Asociacioni të komunave me shumicë shqiptare në shtetin serb.
Komente
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)
Urojme te vini me lajme te mira nga ky takim
PërgjigjuShpresojm qe kjo situat te mar fund nje here e mire
PërgjigjuShume takim i rendesishem ky
PërgjigjuShpresojme per lajme te mira
PërgjigjuUrojm te kemi ndonjeblajm te mire
PërgjigjuDhi e zgjebosur, bishtin perpjete.
PërgjigjuJa dhe Bert Cimcakizi...mbasi e shnderroi Shqiperine ne shtet pa opozite e pa drejtesi..po ben liderin global.
PërgjigjuKy tradhtar është në mission të serborusis…!
Përgjigju