Tensionet në veri të Kosovës, Starova në Report Tv: Albini është gabim, cenon marrëdhëniet me SHBA! Pedagogu: Vuçiç më superior politikisht se Kurti

Situata në veri të Kosovës vijon të jetë e tensionuar. Për këtë situatë të nxehtë, duket se të gjithë janë në front për të kritikuar kryeministrin e Kosovës, Albin Kurtin. I tillë ishte edhe diskutimi në Studio Live me gazetarin e Report Tv Arbër Hitaj me ish ministrin e jashtëm Arian Starova dhe pedagogut Neritan Alibali.

Ish ministri i Jashtëm shprehet se situata në veri është e tensionuar si pasojë e disa veprimeve të hershme.

“Kritikohet Pirishina por unë nuk jam i bindur. Ka shmë vite që në veri nuk ka autoritet. Dhe dikur ky autoritet do duhet të vendosej. Ato zgjedhjet nuk duhet të ishin zhvilluar, aty duhet ishin lënë disa administratorë. Mënyra sesi u bë dhe këmbëngulja e tyre shkaktoi këtë. Kjo frymë vjen nga nacionalistët përtej Beogradit. Nuk ka shkelje të drejtash njeriu në Kosovë aq sa ata të vuajnë dhe të përleshen me KFOR. Atje nuk ka asnjë faktor të tillë. E gjiha bëhet për këtë incident. Ata duan të marrin veriun e Kosovës. Dhe mbrapa fërkon duart dhe ndikimi rus. Sepse çështja e kufijëve zgjerohet nëse kjo gjë nxitet për shkak se i bie mos të jetë problem vetëm Ukraina.”- tha Starova.

LEXO EDHE:
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër

Ndërkohë, pedagogu Neritan Alibali thotë se situata u përshkallëzua nga moskoordinimi i BE-së me Kurtin.

“Është e kollajt t’ja vësh gishtin Kurtit por problemi është i mëhershëm. Nëse BE nuk do e mbështeste idenë, Kurti nuk do i zhvillonte. Më duket e çuditshme që 4 ndërtesa bashkisë bosh luftohen ndërkohë që konstituimi është bërë pranë disa shkollave dhe s’pati incident. Unë mendoj se kjo ccështje lidhjet me ccështjet politke brenda Serbisë. Vuçiç ka taktikë të përdorë minoritetet për politikë. Asnjëherë në Bosnjë nuk ka krizë në të njëjtën kohë si në veri. Kjo ka bërë që Vuçiç të krijojë imazhin e një kampioni për stabilitetin e Ballkanit Perëndimor.

Ndërkohë për Starovën, retorika e SHBA-ve për Kurtin vjen si pasojë e arsyetimit të gabuar të kreyeministrit të Kosovës. Sipas Starovës, Kurti mendon se po bën detyrë patriotike, por e ka gabim sepse po cenon marrëdhëniet me aleatin e madh.

“Është harresë, mungesë koordinimi. E kam të vështirë të besoj që kryeministri i Kosovës të synojë të prishë marrëdhëniet me Amerikën. Ai do të shtrijë sovranitetin e tij. Arsyetimi i tij është i gabuar. Nuk ka nevojë  të hysh në zyrë, e bën punën diku tjetër. Ai mendon se po bën detyrë patriotike, por e ka gabim sepse po cenon marrëdhëniet me aleatin e madh.- u shpreh ai

Ndërsa për pedagogun Neritan Alibali, politkisht Vuçiç është më superior se Kurti.

“Mendoj se Kurti ka dashur të bëjë politikën e faktit të kryer. Për hir të së vërtetës, fakti i ndodhur u kapërcye pavarësisht se u kritikua fort si nga DASH si BE. Unë mendoj se gjëja më e rëndë është pozicionimi i aletëve në një pozicion jo të favorshëm. Politkisht Vuçiç është më superior. Opozita në Kosovë është “fshiu pas kaxhoit”. Partitë e Opozitës nuk bënin gjë tjetër përveçse ta kritikonin Kurtin. Duhet ta kishin kritikuar nëse aksioni i tij ishte i gabuar. Problemi është se pasi SHBA të bëj pozicionimin e qartë, është shumë e thjehstë të bësh kritikë. Fajin e ka dhe Albin Kurti se s’krijoi nëj Këshill Kombëtar.- tha ai

G.MO/Shqiptarja.com

TAG:
• kosove
• tensione ne veri te kosoves
• serbi
• arian starova
• Neritan Alibali
• studio live