Tensionet Ukrainë-Rusi janë në një pikë kulmore, ndërsa SHBA dhe vendet perëndimore kanë dhënë alarm in se pushtimi rus do të ndodh të mërkurën. Po a do të ketë vërtetë luftë më 16 shkurt? Eksperti për çështjet e sigurisë, Ilir Kulla në një intervistë për '5 pyetjet nga Babaramo" në Report Tv, tha se nuk do të ketë luftë, por e gjitha do të jetë një "luftë nervash propagandistike" dhe kërcënimesh që Rusia të fitojë betejën e saj në tavolinë.
"Është luftë nervash, nuk mendoj se të mërkurën do të nis një luftë, nuk ka luftë të mërkurën, mund të ketë më vonë. Lufta e parë që po bëhet është propagandistike, për aq kohë sa diplomacia shkon dhe vjen nëpër kryeqytete dhe palët flasin nuk ka luftë. Nuk mendojë se Putin do nis luftën por do bëjë atë që ka bërë deri tani të shantazhojë dobësitë e perëndimit në një territor si Ukraina kur e di që ka ndikim të fortë. Putini i duhen marrëveshjet dhe jo lufta dhe do vijojë me kërcënimet", tha Kulla.
Eksperti për çështjet e sigurisë, Ilir Kulla tha se në fakt e gjithë kjo luftë është ekonomike dhe se Rusia kërkon që të rrisë rolin e tij ndërkombëtar dhe për këtë shfrytëzon dobësitë e vendeve perëndimore. Sipas ekspertit nëse Rusi pushton Ukrainë, gjysma e qeverive në BE rrëzohen për shkak të krizës ekonomike dhe rritjes së çmimeve të hidrokarbureve, ku Rusia ka 'pushtetin'.
"Edhe nëse do të ketë nuk do të jetë në llogore, lufta është ekonomike. Nëse Rusia dhe Ukraina hyn në luftë gjyma e qeverive të BE bien brenda dy ditësh vetëm në lidhje me krizën ekonomike që do të shkaktohet që nga kriza e naftës, gazit dhe çmimet e hidrokarbureve të tjera. Kjo është edhe fuqi shantazhuese e Rusisë ndaj pjesës tjetër. Këtu nuk bëhet fjalë për fatin e Ukrainës por për NATO-n dhe zgjerimin e saj. Nuk mendoj se Rusisë i intereson një luftë, atë luftë e fiton lehtësisht në terren, por i intereson të marr fitoren ne tavolinë dhe të rrisë rolin e saj ndërkombëtar", tha Kulla.
Lidhur me rolin e Shqipërisë në këtë konflikt me pjesëmarrjen e saj në Këshillin e Sigurimit, Kulla tha se është modest, pasi vetë ky këshill ka dalë nga funksioni.
"Rol modest, Këshilli i Sigurimit ka dalë nga funksion që nga bombardimi i Serbisë në '99 dhe Irakut e gjithë konfliktet e lindjes së mesme, një nga debate në OKB është reforma e këshillit të sigurimit, pjesëmarrja ka rolin e vetë historik për vendin, por një rol modest për marrëdhëniet ne botë", tha Kulla.
Më shumë se një duzinë vende, duke përfshirë Britaninë e Madhe dhe SHBA, u kanë kërkuar qytetarëve të tyre të largohen nga Ukraina mes paralajmërimeve për një pushtim "të afërt" nga Rusia. Kjo e fundit mohon planet për të pushtuar, pavarësisht se ka grumbulluar 100,000 ushtarë në kufijtë e Ukrainës. Pavarësisht tensioneve dhe kërcënimeve nga ana e Moskës, duket se kjo nuk e ka penguar presidentin e Ukrainës të shprehë hapur se vendi do të vazhdojë me kërkesat për të qenë pjesë e NATO-s.
Lajme të tjera
-
Rusia dënon me mbi 4 vjet burg ish punonjësin e konsullatës amerikane
2 Nëntor, 20:55 -
Kievi: 7 mijë ushtarë të Koresë së Veriut po vijnë drejt territorit tonë
2 Nëntor, 16:12 -
Rusia gjobit 'Google' me shifrën marramendëse, më e lartë se GDP-ja e të gjithë botës, 110 trilionë dollarë
2 Nëntor, 08:31 -
Lufta në Ukrainë/ Kievi: 7 mijë ushtarë të Koresë së Veriut po vijnë drejt territorit tonë
2 Nëntor, 08:11 -
Vdes edhe një i burgosur politik në Bjellorusi
1 Nëntor, 22:56 -
Sllovakia, e gatshme t’i bashkohet planit të Kinës dhe Brazilit për luftën në Ukrainë
1 Nëntor, 19:49 -
Lufta në Ukrainë/ Koreja e Veriut: Do të qëndrojmë pranë Moskës deri në fitoren kundër Kievit
1 Nëntor, 17:55 -
Gjykata ruse e dënon me gati 5 vjet burgim ish-punëtorin e konsullatës amerikane
1 Nëntor, 10:26 -
Trupat e Koresë së Veriut në Rusi, Blinken: Putin i dëshpëruar
1 Nëntor, 09:20 -
Ambasadori rus në OKB: Serbia do kërkojë kthimin e 1 mijë ushtarëve të saj në Kosovë, e mbështesim
31 Tetor, 21:33 -
Lufta në Ukrainë/ Korea e Jugut nuk përjashton mundësinë e dërgimit të raketave Hawk në Kiev! Zelensky - Perëndimit: Na lejoni sulmet thellë brenda Rusisë
31 Tetor, 17:36 -
Ballkani hyn më shpejt në BE?/ Von der Leyen: Përfiton prej tensioneve gjeopolitike
31 Tetor, 17:15
