Tentativa e Salianjit për tu përplasur fizikisht me Braçen, Nikolla: I patolerueshëm denigrimi! Skena të tilla të marrin fund

 

"Unë jam shumë e vendosur që të bëj gjithçka për sa më takon edhe si politikane, por edhe në detyrën e lartë e cila më është besuar, që e gjithë jeta parlamentare të kthehet në shinat ku etika është e dhëna bazë". Kështu i është përgjigjur kryetarja e Kuvendit, Lindita Nikolla, pyetjes së gazetares së Report Tv, Migena Sotiri se si ndihet kur shikon skena që i tajkalojnë kufijtë e debatit në sallën e parlamentit.

Nikolla thotë se sigurisht që opozita ka të drejtën e ccdo kritike ndaj punëve të bëra jo mirë nga qeveria, por kurrsesi nuk mund të arrijë në denigrime dhe shpifje personale apo deri në konflikte fizike, siç degjeneroi në momentin e fundit.

"Nuk është e thjeshtë sepse përballemi me një kulturë 30-vjeçare, ku denigrimi politik përmes shpifjes, përmes gjysmë të vërtetave apo gënjeshtrave, ka prevaluar dhe gati-gati është kthyer në një normë në debatin politik. Këtu duhet kontributi i të. Unë jam e vendosur që të bëj gjithçka, por patjetër duhet që të jemi të gjithë bashkë në këtë front. Nuk mjafton vetëm një ose disa zëra", tha Nikolla.

Lajmi kryesor:

Vrasja e 8-vjeçarit, Nikolla në Report Tv: Makabre, krimineli ishte përkëdhelur në dënimin e parë! 2 iniciativa ligjvënëse në Kuvend! Ta kthejmë debatin në Kuvend, në shina etike (VIDEO)

K.T./KT/Shqiptarja.com

TAG:
• Lindita Nikolla
• Kuvendi i Shqiperise
• integrimi ne be
• vrasja e mateo vasiut